ZAKHARIA 9:16 - Susula Malalaok Hehelu Palak Ma Hehelu Beuk

¹⁶ Metema, faik ndia losa soona, neukose Manetualain soi-tefa anan-nala, sama leo manafoo-a, ana soi-tefa bi'ilopon-na neme soe dale mai. Neukose langale'do nai Manetualain daen-na, sama leo bulamolik poemata mangadilak-ka.

ZAKHARIA 9:16 ပူးပေါင်းရင်းမြစ်များ

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

KELUARAN 28:21

Nai batu poemata esa soona, muse dokik Yakob ana ka sanahulu duan-nala esa na'den-na da'dileo ta'du-tanan-nasanene'dak neu leo-leo Israel-la.

KELUARAN 28:9

Ho'i-ma batu poemata dula pilas 2. Sanga hataholi manatutu malelak lilopilas esa, fo ana dokik Yakob ana ka sanahuluduan-nala na'den-na tunga esa-esak teun neu batu ndia, fo na'dek 6 soona, dokik-kana neu batu 1. Boema batu poemata ka duak sila-la muse seun neu efod-ta su'udoo lilopilan dale, fo taon neu efod ndia talin duas, fo ana da'di ta'du-tanan-nasanene'dak neu Israel leo ka sanahuluduan-nala. No enok ndia, Harun lulu'ak sila na'den-nala nai alun lain, nalosa Au, Manetualain, afandendelek tataasesa neus.

YESAYA 40:10

Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.

YESAYA 54:12

Au afofo'a kota musun-nala neme batu dalima mai, o lelesuinam-mala, neme batu poemata mai, o papala nanadamam-mala neme batu poemata kunik, fo sama no batu poemata.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YESAYA 60:3

Leoina-kala, ala faa beosu, mai leo o mangale'dom-ma mai, masa'ak fo ana tii nai o lain-na, ana taon-na manek-kala, dalen-nala lahiik-kana

YESAYA 62:3

O da'di sama leo ti'ilanga manek mana'ahiik nai o Manetualain-na liman-na.

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 31:11

Au se'i po'i hataholi Israel, ma Au soi-po'is neme leoina mabe'i-balakaik-ka mai.

YESKIAL 34:11

Manetualain Fo Mademaina nafa'da nae, “Neukose Au sanga Au bi'ilopong-ngala, fo Au akabobois,

YESKIAL 34:12

sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

YESKIAL 34:31

Tete'ek-ka, Au bi'ilopong-ngala nde emi, de Au fe emi mi'a. Emi nde been-na Au anang, ma emi Manetualaim nde Au. Au, Manetualain Fo Mademaina, nde manakokolak-ka.”

MIKHA 5:4

ma neukose Ana fes mole-dame. Metema solda'du Asyur-ra sapu-la ita nusan-na, fo ala hona lakalulutuk ita kota musun-na soona, neukose ita tadenu ita mauli-malangan mabe'i-balakain-nala fo latee-lata'ti los. Ita mauli-malangan sila-la, neukose ala sengi Asyur no be'i-balakai tafa-sisilo, fo soi-tefa-na ita neme sila liman mai.

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

ZEFANYA 3:20

Neukose fain-na losa, Au hela-nole falik, emi laum manatapasasalam-mala. Au tao-a emi da'di, nananita-nalelak nai basa daebafak-ka lala'en-na, ma neukose Au tao falik emi tetu-temam,” Manetualain nde manakokolak-ka.

HAGAI 2:23

Nai faik ia, neukose Au so'u o Zerubabel, fo Au atang-nga, fo o paleta menik Au na'deng-nga. Nanahu, o nde, Au hele basak-ka so.” Manetualain Fo Manakoasa nde manakokolak-ka.

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

ZAKHARIA 8:23

Nai faik ndia, neukose hataholi nusa dea 10 mai leo hataholi Yahudi esa mai, fo lafa'da lae, ‘Ami boeo mahiik maua-manale sama leo emi boe, nana ami mamanene, lae Manetualain ba'e-pala emi.’ ” Manetualain Fo Manakoasa nde manakokolak-ka.

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.