ZAKHARIA 8:9 - Susula Malalaok Hehelu Palak Ma Hehelu Beuk

⁹ Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.

ZAKHARIA 8:9 ပူးပေါင်းရင်းမြစ်များ

1 TAWARIKH 22:13

Metema o tunga basa hoholo-lalanek fo Manetualain fen neu Musa soaneu leoina Israel-la soona, neukose o hapu buna-boak. O muse mamahele te'e-te'e ma mapalani. Boso bii masasalematak moo su'di beek ka boen.

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

2TAWARIKH 15:7

Tehu emi muse matetea-mahehele dalem-mala ma mapalani. Emi ue-osam neukose neni buna-boak.”

EZRA 6:14

Nabi Hagai, ma nabi Zakharia fali basa mauli-malanga Yahudi-la, de ala tao lakandoo Manetualain Uman ndia. No lai-laik, ala tao lakababasak uma ndia, nandaa no paleta neme Israel Manetualain-na mai, ma Kores paletan-na, Darius ma Artahsasta, fo mane Persia sila-la.

YESAYA 35:3

Matetea-mahehele lima tapandoes-sa, Taom-matea lungulanga manadelek-ka.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

HAGAI 1:12

Basa boema, Zerubabel ma Yosua boema basa hataholi Israel manafali ma'is leme Babel fo mamana tu'u-tapak, ala tunga Hagai dede'a-kokolan; Hagai fo Manetualain hataholi nadedenun ndia. Ala tao hata fo Manetualain paleta neus, nanahu ala bii Manetualain.

HAGAI 2:18

Nai faik ia, hataholi Yahudi-la bula ka 9-na, fain 24, duahulu ha, basa Au Umang-nga laten-na! Taoafik neu hata, fo neukose mulai hatematak ia, ana da'di.

HAGAI 2:21

fo nanduku-nalosak-kana neu gobelnol Zerubabel-la. Manetualain nafa'da nae, “Ta dook-ka so'on, te neukose Au nggenggengok lalai-a ma daebafak-ka,

ZAKHARIA 8:13

Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”

ZAKHARIA 8:18

Manetualain Fo Manakoasa, fe au hala heheluk-ka nde ia, fo au anduku-alosak-kana neu anan-nala nae,

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

2 TIMOTIUS 2:1

Timotius, fo au ana nga! Ela leo bee na, o matea-mahele neme susue-lalaik fo Ana fen neu ita, nana ita da'di esa too Kristus Yesus.

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.

YOSUA 1:8

O muse lees fe Au anang-ngala susula hoholo-lalanek ndia tataas esa. Manoli susulak ndia isi-liin lele'do-le'odaen, fo ela basa hata fo nanasulak nai dalek, o makalala'ok-kana tataas esa. Metema o tao basa sila-la soona, neukose o so'dam-ma tetu-temak, ma o ue-le'dim, neni buna-boak.