ZAKHARIA 8:22 - Susula Malalaok Hehelu Palak Ma Hehelu Beuk

²² Boema hataholi ba'uk-ka, ma leoina mabe'i-balakaik ba'uk-ka, neukose ala mai leo Yerusalem mai, fo ala sene-do'ok neu Au, Manetualain Fo Manakoasa, fo ala dokodoe Au baba'e-papalang.

ZAKHARIA 8:22 ပူးပေါင်းရင်းမြစ်များ

MAZMUR 68:30

Mane-manek-kala lini tunu-hotuk fe O nai O Umam manai Yerusalem-ma.

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 25:7

Nai pupukuk ndia lain, neukose Ana siluheni ko'a dale he'dik fo, manapotin-na leoina-kala.

YESAYA 49:22

Manetualain Fo Mademaina, nafa'da anan-nala nae, “Neukose Au fe leoinak-kala, ta'du-tana, fo neukose, ala fe falik o anam-mala; neukose ala ko'ok o anatoum-mala, ma o anainam-mala, nananasaak, nai aluk lain.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 55:5

Neukose emi maloo leoina nusa dea-la, fo no lai-laik, ala mai leo emi mai, hu kande Au, fo emi Manetualaim-ma, Israel Manetualaim malalao-malalafun-na, nana Au amatutua-amadedema basa emi so.”

YESAYA 66:23

Tunga-tunga bula beuk, ma tunga-tunga fai Sabat-ta, basa hataholi daebafak lala'en-na, neukose ala mai, soaneu sene-do'ok Au nai Yerusalem.

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

MIKHA 4:3

Neukose Manetualain naketu leoina no leoina dede'an-na, nusaina mabe'i-balakaik no nusaina mabe'i-balakaik, nau manai dook-ka do manadekak-ka boe. Neukose ala tutu sila tafainan-nala da'di tata'tis ma sila teen-nala da'di dope nggenggeuk. Leoina-la, esa ta sapun-na esa so'on, boeo ta laheheleaon fo sanga latee-lata'ti so'on.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

ZAKHARIA 14:16

Basa boema, basa hataholi fo bei laso'da nai leoina manasapu-na Yerusalem dalek-ka, neukose leu leo kota ndia leu, fo ala sene-do'ok neu Manek, fo Manetualain ma soaneu, ala tao Feta Lalaa Akidook-ka.

ZAKHARIA 8:21

Neukose kota esa laun-na, nafa'da kota esa laun-na nae, ‘Mai fo ata teu sene-do'ok neu Manetualain Fo Manakoasa, fo ata dokodoe baba'e-papalan. Tunga moo ami leona!’

GALATIA 3:8

Susula Malalao ka nafa'da basa nakahuluk dede'ak ndia nae, metema Manetualain nau hataholi ta Yahudi la nau malole falik loon soona, sila muse lamahelen dei. Hala Malole ndia, nananafa'da nakahuluk neu Abraham, nai hala hehelun ia dalek nae, “Neukose Manetualain fe baba'e-papalan neu basa hataholi daebafa ka lala'e na, tunga o.”

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

NINITAK 21:24

Leoina manai daebafa kala, neukose ala la'ok nai ndela-sa'a na dalek, ma mane-mane kala boeo neukose lini su'i-bete nala leo kota ndia dalek neu.