ZAKHARIA 8:20 - Susula Malalaok Hehelu Palak Ma Hehelu Beuk

²⁰ Manetualain Fo Manakoasa, nafa'da nae, “Neukose fain-na losa, kota ba'uk-ka laun-nala, neukose ala mai leo Yerusalem mai.

ZAKHARIA 8:20 ပူးပေါင်းရင်းမြစ်များ

1RAJA-RAJA 8:41

Metema hataholi manamai esa nusa dook namanene la'eneu O matua-mademam ma la'eneu manada'di beu kala fo O tao basan soaneu O ana mala, boema ala mai leo uma hule-haladoik ia mai, fo fe ha'da-holomata neu O ma hule-haladoi neu O soona,

1RAJA-RAJA 8:43

ela leo been-na, neme O mamana leleom manai nusa so'dak-ka, O mamanene hule-haladoin ma O sipok nonoken-na. No enok ndia, basa leoina manai daebafak-ka lala'en-na lalelak O ma ala tunga O sama leo O anam Israel. Neukose ala bubuluk lae uma fo au afofo'ak ia nde been-na mamanak soaneu hule-haladoi neu O.

MAZMUR 102:22

Soona na'den-na, neukose nanatui-bengak nai Sion, ma neukose nanakoa-kiok nai Yerusalem,

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 72:17

Ela leo been-na, na'de manen-na nananafandendelek losa dodoon-na, ma ela leo been-na, na'den-na boetai nanakoa-kiok nai lelek le'do bei nai lalai-a. Ela leo been-na, leoina-la loke, fo fes baba'e-papalak sama leo ndia, ma basa hataholi-la loken soona lae, maua-manalek.

MAZMUR 89:9

Amak Manetualain Fo Manakoasa, see kande be'i-balakain sama leo O? O lilineka nai basa hata-hata lala'en-na dalek ou Manetualain

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 45:14

Manetualain nafa'da Israel nae, “O soa Masir dae-oen buna-boan, ma Sudan nanalan-na. O soa hataholi Syeba fo, mata makeek-kala; ala la'ok lai o deam-ma, no nanalangek. Neukose ala sene-do'ok ma ala manaku lae, ‘te'e-te'e Manetualain nai o tala'da; ta hapu lamatua daebafak fe'ek fa, ka'da Ndia mesak-kana!

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

HOSEA 2:23

Neukose Au tao-a Au anang-ngala, laso'da no tetu-temak ma ala leo lahele leme sila nusan-na. Neu sila fo loken lae, ‘Fo Ta Nanasue-laik-ka fa’ neukose Au atu'du ae, Au sue-lais, ma ba'eneu sila, fo lokes lae ‘Au anang ta sila fa’ neukose Au afa'da ae, ‘Au anang emi’. Neukose, lataa lae leo ia, ‘O nde ami Manetualaim-ma.’ ”

AMOS 9:12

Hataholi Israel-la neukose ala koasa bei ela nusa Edom-ma boema basa leoina fo makahulun-na Au nuung. Au, Manetualain, kokolak basa so, de neukose Au tao atetu dede'ak ndia.”

MIKHA 4:3

Neukose Manetualain naketu leoina no leoina dede'an-na, nusaina mabe'i-balakaik no nusaina mabe'i-balakaik, nau manai dook-ka do manadekak-ka boe. Neukose ala tutu sila tafainan-nala da'di tata'tis ma sila teen-nala da'di dope nggenggeuk. Leoina-la, esa ta sapun-na esa so'on, boeo ta laheheleaon fo sanga latee-lata'ti so'on.

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MATEOS 8:11

Tete'e ka! Neukose hataholi ba'u ka ala mai leme dulu ma muli mai, fo lamahoko sama-sama lo Abraham, Isak ma Yakob nai Manetualain Daebafa Beun dale.

HATAHOLI 15:14

Besa ka Simon nafa'da mangalele'do, tao leo beek de nai makasososa na, Manetualain mete-nakanae hataholi ta Yahudi la fo Ana sanga hele nai sila dalek, hataholi fo ana da'di Ndia hataholi kamahehelen.

HATAHOLI 15:18

fo nafa'da basa dede'ak ndia, neme makahulun eli mai so.”

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”