ZAKHARIA 8:17 - Susula Malalaok Hehelu Palak Ma Hehelu Beuk

¹⁷ Boso tutu'u eno mangalauk neu emi nonoo hataholim-ma. Boso soo-supa pepekok. Au ta hii masapepeko-masandandalik ma ta manatao tunga ndoos ma matetun-na ma naseti-nalakak-ka fa.”

ZAKHARIA 8:17 ပူးပေါင်းရင်းမြစ်များ

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

AMSAL 3:29

Boso tutu'u hata esa fo nakatutu'dak o nonoo hataholim fo, ana leo deka no o, ma namahele o.

AMSAL 6:14

Dudu'a-aafin kaboo-kabalik, dalen-na henuk no tutu'u eno mangalauk, ma neni nale'a-napilik nai mamanak lala'en-na.

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

ZAKHARIA 7:10

Boso tuni-ndeni inafalu-la, anamaak-kala, hataholi nusa dea manaleo nai emi nusam dale, do su'di see fo nai susa dalek. Ma boso tutu'u eno mangalauk soaneu emi nonoo hataholim-ma.’

ZAKHARIA 8:18

Manetualain Fo Manakoasa, fe au hala heheluk-ka nde ia, fo au anduku-alosak-kana neu anan-nala nae,

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.