ZAKHARIA 8:14 - Susula Malalaok Hehelu Palak Ma Hehelu Beuk

¹⁴ Manetualain Fo Manakoasa nafa'da nae, “Lelek emi bei-ba'i kaim-mala tao-la Au amanasa, boema Au ho'i nakeketuk fo hukus no balakaik. Au ta hela falik Au nakeketung ndia fa, te Au akalala'o kana.

ZAKHARIA 8:14 ပူးပေါင်းရင်းမြစ်များ

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

MAZMUR 33:11

Tehu Manetualain dale tutu'un-na nakatatakak nahele, dale tutu'un-na, matea-mahelek losa dodo-na.

YESAYA 14:24

Manetualain Fo Manakoasa, soo nae, “Fo Au tutu'u basan ndia, neukose ana da'di.

YEREMIA 20:16

Nemena fo mananeni halak ndia nalupa kota-kota fo Manetualain tao nakalulutuk-kana ta no dale kasian fa. Nemena fo namanene honggu'u he'di-laus nai faik fafain-na, ma nanggasiaok natee-natatik-ka nai le'do hana.

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.

YEREMIA 31:28

Sama leo makahulun-na Au aneas fo ela neu makabuin-na soona, Au fe'a henis Au tao atu'us ma Au tao akalulutuk-kasa, leoniak boe neukose Au aneas fo ela Au tao atetea-aheles ma au afofo'a falik-kasa.

YEREMIA 32:42

Sama leo Au uni susa-soe ba'eneu leoina ia, leondiak boe neukose Au fes basa malole-malole la'eneu fo Au helu basan ba'eneu sila so.

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

ZAKHARIA 1:2

Manetualain paleta au, fo au afa'da anan-nala ae leo ia, “Nai tepo-lelek makahulun-na, Manetualain Fo Manakoasa, namanasa emi bei-ba'i kaim-mala nanseli.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”