ZAKHARIA 8:13 - Susula Malalaok Hehelu Palak Ma Hehelu Beuk

¹³ Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”

ZAKHARIA 8:13 ပူးပေါင်းရင်းမြစ်များ

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

MAZMUR 44:16

Nai fai katemak esa dalen-na, au nananakamuu-nakadauk, au lu'a-lepa mamaek, ma au ta ato'dak au mata-panang fa,

MAZMUR 72:17

Ela leo been-na, na'de manen-na nananafandendelek losa dodoon-na, ma ela leo been-na, na'den-na boetai nanakoa-kiok nai lelek le'do bei nai lalai-a. Ela leo been-na, leoina-la loke, fo fes baba'e-papalak sama leo ndia, ma basa hataholi-la loken soona lae, maua-manalek.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 25:18

Au fe Yerusalem no basa kota manai Yehuda-la, no manek-kala, ma mauli-malangan-nala linu angol ndia, de nalosa ala da'di sama leo mook-ka fo tokotik ma mangalaun-na seli. Losa faik ia sila na'den-na nanapakek da'di leo soo-supak.

YEREMIA 26:6

Metema emi malanga batu mahele soona, uma mamasok ia neukose Au taon sama leo Silo, de nalosa basa leoina manai daebafak-ka pake kota Yerusalem ia na'den-na da'di leo soo-supak.”

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

YEREMIA 33:24

“Ade o tao afik basa neu hata fo hataholi-la kokolak basa neu Israel ma Yehuda? Ala lafa'da lae, Au tu'u-tapa heni leoina kaduak fo Au hele basak sila so. Hundia de, ala mete lakadadaek Au anang-ngala, ma ala ta tao sila da'di leo leoina esa fa.

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

RATAPAN 4:15

Hataholi-la lafa'da lae, “La'o meme ia mai! Emi manggenggeok, de boso mafaloe ami!” Boema ala la'o, de laleu-lalaak leme leoina esa leo leoina esa leu, tehu ta hapu hataholi esa boen, fes loak fo leo lahele fa.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

YESKIAL 37:11

Manetualain nafa'da au nae, “Hai hataholi daebafak fo, manasapu-manalalok-konei, duik ia-la, ala da'di ta'du-tana neu leoina Israel-la. Ala haladoi lae sila duin-nala lamatuu, de mopo sila namahehenan-na, ma mopo sila maso'dan nai fai manamaik-kala.

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

MIKHA 5:7

Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

ZEFANYA 3:16

Neukose fain-na losa, hataholi-la lafa'da lae, “Hai Yerusalem, boso bii, ma dalem-ma boso makasufu.

ZEFANYA 3:20

Neukose fain-na losa, Au hela-nole falik, emi laum manatapasasalam-mala. Au tao-a emi da'di, nananita-nalelak nai basa daebafak-ka lala'en-na, ma neukose Au tao falik emi tetu-temam,” Manetualain nde manakokolak-ka.

HAGAI 2:19

Leomae ta ela gandum, ma ai angol, ma ai kaak, ma ai dalima, ma ai setun fo beita laboa fa, tehu mulai hatematak ia, neukose Au ba'e-pala emi!”

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

ZAKHARIA 1:19

Au atane ata nusa so'dak, fo manakokolak basa no au-a ae, “Bana susulak sila-la, sosoa-ndandaan beek?” Boema nataa nae, “Bana susulak sila nde been-na, ta'du-tana neme nusa-nusak balakaik fo manatao tapasasala laun Yehuda, Israel ma Yerusalem-ma.”

ZAKHARIA 14:11

Neukose, hataholi-la leo no nee-nee lino-linok, nai kota ndia, no ala ta bii-lamata'u neu momopo-mamatek-ka fa.

ZAKHARIA 8:15

Tehu besak ia, Au sanga ba'e-pala laun Yerusalem-mala ma laun Yehuda-la. Da'di boso bii-mamata'u.

ZAKHARIA 8:9

Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.

ZAKHARIA 9:13

Neukose Au pake Yehuda da'di leo palani ta'tibatu-la kokoun-na, ma Israel da'di leo kokou isik, fo nahani ka'da po'in neu. Au pake laun Sion-na da'di leo tafaina; fo no tafaina ndia, neukose Au sapu-a hataholi Yunani-la.”

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

GALATIA 3:14

Kristus tao leondiak, fo ela baba'e-papalak fo Ana helu fen neu Abraham ma, Ana fen neu hataholi ta Yahudi la boe. No enok ndia, ita fo tamahele neu Manetualai na, hapu sipo Dula Dalek fo Manetualain heluk ndia boe.

ULANGAN 26:19

Neukose Manetualain taon-na emi, mamade'u lena heni leoina fe'ek fo, Ana nakadada'dik basak-kala so, ma neukose emi nanakoa-nanakiok, ma nanafe ha'da-holomata. Emi da'di, emi Manetualaim-ma ana nanahelen, sama leo hala hehelun-na.”

ULANGAN 28:37

Nai nusa-nusak fo nai bee, Manetualain tao tapasasala emi-a, neni bibii-namata'uk nanseli fe hataholi manamete emi-a; neukose ala hakinonoli ma ala hika emi.