ZAKHARIA 8:12 - Susula Malalaok Hehelu Palak Ma Hehelu Beuk

¹² Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

ZAKHARIA 8:12 ပူးပေါင်းရင်းမြစ်များ

KEJADIAN 26:12

Isak tao tina osi de ana sele-nggali bini-ngges nai nusak ndia, de nai teuk ndia dale na ana hapu buna-boak diku la'i natun esa neme ana sele-nggali ka mai, nanahu Manetualain ba'e-palan.

KEJADIAN 27:28

Sa'di leo been-na Manetualain fe o dinis neme lalai mai, ma Ana tao na o tina-osim leloaka! Sa'di leo been-na Ana fe o gandum ma angol la sasi kao-kao!

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

MAZMUR 72:3

Ela leo been-na, ami nusam-ma tetu-temak ma so'da-molek, ma hapu ndoos ma matetuk ba'eneu leoina lala'ena.

MAZMUR 85:12

Hataholi daebafak-ka lilinekan, neukose ana moli neme daebafak-ka mai, ma Manetualain ndoon ma matetun-na neukose ana titino neme lalai mai.

AMSAL 19:12

Manek-ka nasa-melun sama leo; dinis fo nakadoe na'u-aiana.

YESAYA 30:23

Metema, emi sele-nggali bini-ngges soona, neukose Manetualain fe u'dan, fo ela bini-ngges sila-la, ala moli, fo ala fe buna-boak fo, ana sasi kao-kao. Neukose Ana sadia fe emi bana-manum, moo mana'uk maloaina.

YESAYA 61:7

Nanahu, emi hapu basa mamaek, diku la'i dua so, ma na'de manggenggeok-ka, boema nananakadadaek-ka, ana da'di emi baba'em so, hu ndia de, emi hapu pusaka didikuk la'i dua, nai emi nusam-ma ma emi manuu namahoko manaketu basa taak-ka.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YESKIAL 34:28

Neukose leoina fo, ta lalelak Au fa, ta lamanako hata-heton-nala so'on, do bana makaak-kala, kaa fas. Neukose laso'da no tetu-temak, ma ta hapu hataholi nakabibiik-kasa so'on.

YESKIAL 36:12

Neukose Au o falik Au anang Israel, fo ala leo seluk sila nusan-na. Neukose dae ndia, ana da'di sila nuu mesan, fo dae ndia ana fes buna-boak tataas esa, nalosa ta mate anan-nala no la'as-sa so'on.’

YESKIAL 36:30

Neukose Au fe emi aim-mala, ma emi tinam-mala labuna-laboa no malole, nalosa emi ta hapu la'ola'di fai la'a-ndoes fo ana tao nanggenggeo emi na'dem-ma, nai leoina-kala tala'da so'on.

YESKIAL 36:9

Hai Israel, Au ok o, de tao leo bee-o, o daem-ma nanafoi-falak seluk, fo sele-nggali bini-ngges neu.

HOSEA 13:3

Hu ndia de, neukose hataholi sila-la sapu-lalo, sama leo ko'dendenuk-ka do dinis-sa nai fafai anan-na. Neukose, sila sama leo anin-na fuu gandum aik-ka afun-na, nai mamana fefepa gandum ma, ma sama leo ha'imasuk fo ana kalua neme pipa dale mai.

HOSEA 14:5

Manetualain nafa'da nae, “Au aloo falik Au anang manatao tofa-tafik-kala, fo Au sue-lais no dalek-katema tuak; neukose, Au ta amanasa seluk-kasa fa.

YOEL 2:19

Nataas nae leo ia, “Besak ia, Au fe emi basa-basam-mala: gandum, angol ma mina setun fo da'di nana'a-nininuk, fo ela emi basa-basam-mala makabete. Neukose Au ta po'ilotak lakadadaek emi do leoina-la hika emi fa.

YOEL 2:22

Hai bana-manu-la lemin, dalem-mala boso ba'ihana, Besak ia, moo mana'uk-kala momo'do so. Ai-la boan-nala inu-inu, angol boak ma kaa boak makadotok nanseli.

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

HAGAI 1:10

Hu ndia de, u'dan ta, de nalosa bubu'u-palusa ta hapu moli fa.

HAGAI 2:18

Nai faik ia, hataholi Yahudi-la bula ka 9-na, fain 24, duahulu ha, basa Au Umang-nga laten-na! Taoafik neu hata, fo neukose mulai hatematak ia, ana da'di.

HAGAI 2:19

Leomae ta ela gandum, ma ai angol, ma ai kaak, ma ai dalima, ma ai setun fo beita laboa fa, tehu mulai hatematak ia, neukose Au ba'e-pala emi!”

ZAKHARIA 8:6

Metema, mete dede'ak ndia soona, nono'kabai manada'di tak ba'eneu leoina ia hataholi bei maso'dan-nala, tehu manada'dik ba'eneu Au.

MALEAKHI 3:11

Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

1 KORINTUS 3:21

Hu ndia de, hataholi esa boen boso mamatutua-madedema hataholi daebafa ka, nana basa hata lala'ena nanafe basak da'di emi nuum so:

ULANGAN 32:2

Ela leo been-na, au nanoling-nga, ana kona samaleo u'dan-na, ma au hala-kokolang ana ti'ti sama leo dinis-sa, sama leo u'da ngginggitik-ka nai na'u lain, ma u'da matuaina nai bubu'u-palusa lain.

ULANGAN 33:13

La'eneu leo Yusuf-fa, Musa nafa'da nae, “Ela leo been-na, Manetualain fe sila daen-na, baba'e-papalak, nenik u'dan, ma nenik oe-a, neme dae dale mai.

ULANGAN 33:28

Soona, neukose Yakob tititi-nonosin, laso'da no tetu-temak, nai nusak fo, henuk no gandum, ma angol-la, fo dinis-sa, ana kona neme lalai mai, de ana tetees.

YAKOBIS 3:18

Memak malole ndia, nde bee na buna boak neme bini-ngge mole-dame a, fo hataholi mana sue-lai mole-dame a, nde sele-nggali nana!