ZAKHARIA 8:10 - Susula Malalaok Hehelu Palak Ma Hehelu Beuk

¹⁰ Faik ndia beita losa fa, te ta hapu hataholi napalani se'ba hataholi do bana balakain, ma ta hapu hataholi naso'da no nee-nee lino-linok, neme musu-a nakasese'bon-na mai fa. Au tao-alas, esa nakasese'bok esa so.

ZAKHARIA 8:10 ပူးပေါင်းရင်းမြစ်များ

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

AMOS 9:4

Metema musu-a ho'u nalas soona, neukose Au fe paleta fo taolisas. Au daleng-nga natea basa soaneu tao amopo-amates, de ta hapu manatulu-fali, tulu-fali fas.”

HAGAI 2:15

Manetualain nafa'da nae, “So'ba taoafik neu hata, fo ana da'di nai hua-binesak-ka so, fo nde Au Umang ia, beita tao matalolole fan! Nai faik ndia, emi so'dam-ma leo beek?

HAKIM-HAKIM 5:11

Lamanene hataholi makadotok lakamee, nai deka no oedolu-la, ala tui Manetualain sesengin-na do'e-do'e, Israel, fo Manetualain anan-nala sesengin-na. Boema ala la'ok lakadadalak lasale leo kota lelesuinan-na leu.