ZAKHARIA 7:9 - Susula Malalaok Hehelu Palak Ma Hehelu Beuk

⁹ “Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

ZAKHARIA 7:9 ပူးပေါင်းရင်းမြစ်များ

2 SEMUEL 9:7

Boema, Dauk nae, “Boso bii, te neukose, au daleng-nga malole neu o, nanahu o amam Yonatan. Neukose, au fe falik basa o ba'im Saul daen-nala leo o neu, ma o bole mu'a-minu nai uma manek-ka, losa dodoon-na.”

AYUB 31:20

au fen temak, fo nanatenuk neme au bi'ilopong-ngala bulun-na mai, boema, neukose ana koa-kio au, no dale katema tuan-na.

AYUB 6:14

Nai doidosok leo ia-ka dalek, au amahena neu tia-lai malole. Ade, au bei lilineka ahele, do au afandele heni Manetualain Fo Manakoasa so do?

AMSAL 21:3

Tatao-nono'i ndoos ma matetuk-ka, nandaa no Manetualain dalen-na, lena heni tunu-hotuk-ka

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 7:5

Tuka emi so'dam-ma, ma emi ha'da-tataom. Esa tao ndoos ma matetuk neu esa.

YESKIAL 18:8

Ana ta fe hataholi manatonak-kala, fe bunak fa. Ana ta nau tao, tatao-nono'i mangalauk fa, ma naketu tunga ndoon-na, nai basa nale'a-napilik lala'en-na dalek.

YESKIAL 45:9

Manetualain Fo Mademaina, nafa'da nae, “Hai manakoasa Israel-la lemin, emi sala-singom-mala dai so. Hahae tuni-ndeni laun-na leona. Tao-no'i hata fo, ndoos ma tunga matetun-na. Boso boe usiheni Au anang-ngala, leme sila daen dale mai. Au, Manetualain Fo Mademaina, fe paleta ndia neu emi.

HOSEA 12:7

Hai emi fo Yakob tititi-nonosin-nala lemin, mamahele neu emi Manetualaim-ma, ma fali ma'im-ma leo Ndia meu. Maso'da no susue-lalaik, ma tunga ka'da ndoon-na, ma mahani no boso haelai mamanasa, losa emi Manetualaim-ma ho'i nakeketuk.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

AMOS 5:24

Malole lenak sanga enok, fo daenga eno ndoos ma matetuk-ka, ana faa sama leo oe-a, ma tatao-nono'ik fo tunga ndoon-na, ana faa sama leo lee manama'da taak-ka.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

ZAKHARIA 7:7

Dede'ak ndia nde Manetualain nafa'dan tunga nabi-la nai tepo-lelek maneuk-ka, fo nai lelek hataholi bei leo nai Yerusalem, de laun-na tetu-temak. Nai lelek ndia, hataholi ta ka'da leo nai nggolo-nggolok manai kota boboa-kaisun fa, tehu lena-lenak, ala leo nai boboan kona, ma nai pupukuk-kala huun-na, fo nai boboak muli.

ZAKHARIA 7:8

Manetualain Fo Manakoasa, Ana fe au hala heheluk-ka nde ia nae,

MATEOS 23:23

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi ho'i ma bumbu dala dae, adas makeek, jintan baba'ek esa neme baba'ek sanahulu mai fo emi fen leo Manetualain neu. Te se'ko na dede'a mabeli ina la nai agama hoholo-lalane nala dalek, fo sama na leo: maketu-mala'di tunga ndo na, dale manasue-lai ka ma lilineka ka, emi ta taoafik neu fas. Te se'ko na dede'ak sila nde muse emi tao-noin no boso mafandele heni dede'a fe'e kala boe.

LUKAS 11:42

Soe ba'eneu emi fo hataholi Farisi la lemin! Emi bubu'u-palusam buna-boan sama leo daladae ma mo'do ai daak, ma bumu fe'e-fe'e kala, emi hapu sanahulu soona, emi fe baba'ek esa leo Manetualain neu, tehu naketu tunga matetu na, ma susue-lalaik neu Manetualai na, emi ta taoafik neu fan. Te see ko na ndia nde muse emi tao-no'in, ma taoafik neu fe'e-fe'e kala boe.

YOHANIS 7:24

Boso maketu-mala'di hataholi tunga hata fo emi mitan, te maketu-mala'di tunga ka'da matetu na.”

YOHANIS 7:51

“Tunga hoholo-lalane ka soona, ta bole huku hataholi esa boen, metema beita palisak dede'a na fo tamanene ana tui ndia tatao-nono'in leo beek fa.”

ULANGAN 22:1

Metema, hataholi esa nai emi leoinam dalek, mopo sapin do bi'ilopon esa, fo emi mitan soona, boso tao nono'kabai, emi ta bubuluk fa, tehu meni falik bi'ilopo ndia, leo mano-nuuk-ka neu.