ZAKHARIA 7:7 - Susula Malalaok Hehelu Palak Ma Hehelu Beuk

⁷ Dede'ak ndia nde Manetualain nafa'dan tunga nabi-la nai tepo-lelek maneuk-ka, fo nai lelek hataholi bei leo nai Yerusalem, de laun-na tetu-temak. Nai lelek ndia, hataholi ta ka'da leo nai nggolo-nggolok manai kota boboa-kaisun fa, tehu lena-lenak, ala leo nai boboan kona, ma nai pupukuk-kala huun-na, fo nai boboak muli.

ZAKHARIA 7:7 ပူးပေါင်းရင်းမြစ်များ

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YEREMIA 13:19

Yehuda kota-kotan manai kona-la nana sapu nak so, ma ta hapu masok leo nanasapunak sila-la dalek neu fa. Basa hataholi Yehuda-la nanafua leo mamana ookak-ka neu.”

YEREMIA 17:26

Neukose hataholi mai leme kota-kota Yehuda, ma leme desa-desa manai Yerusalem titia-tatain-nala mai; neukose ala mai leme Benyamin ngolo-ta'du, leme nggolok manai letek-ka hun-na, leme nggolok manai lete lepak-ka, ma leme Yehuda boboan kona. Neukose ala leni bana-manu tutunu-hohotuk lo O umam leomae soaneu tunun, do ta tunu fan boema fefeek gandum ma kemenyan ma fefeek makasi.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 32:44

Neukose susulak nase'o-banasan-na nanalima leek, ma nana segel, ma nana tao natea-nahelek neme sakasii-la mai. Ndia neukose ana da'di nai Benyamin mamanan-na nai Yerusalem nggolo-ta'dun-nala boboa-kaisun, nai Yehuda kotan-nala, nai letelepak kotan-nala, nai nggolo-ta'duk manai letelepak-kala huun-na, ma nai Yehuda boboan kona, Neukose Au tao ahii leoina ia heheo-hihilun nai nusak ia. Au, Manetualain, nde manakokolak-ka.”

YEREMIA 33:13

Basa manafoo-la leke seluk sila bi'ilopon-nala nai kota-kota manai letelepak-kala, letelepak-kala huun-na, nggolo-ta'duk manai Yehuda boboan kona, ma nai Benyamin dae paletan-na, boema nggolo-ta'duk manai Yerusalem boboa-kaisun, ma nai Yehuda kotan-nala. Au, Manetualain, nde manakokolak-ka.”

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 7:5

Tuka emi so'dam-ma, ma emi ha'da-tataom. Esa tao ndoos ma matetuk neu esa.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

ZAKHARIA 7:6

Boeo lelek la'a ma linu ndia, ala sanga ka'da sila tei nakabeten-na mesak-kana.”

ZAKHARIA 7:8

Manetualain Fo Manakoasa, Ana fe au hala heheluk-ka nde ia nae,

ULANGAN 34:3

Yehuda baboan kona, ma masadokek fo, natabaa neme Zoar leo Yerikho neu, kota fo henuk no ai kurma.