ZAKHARIA 7:6 - Susula Malalaok Hehelu Palak Ma Hehelu Beuk

⁶ Boeo lelek la'a ma linu ndia, ala sanga ka'da sila tei nakabeten-na mesak-kana.”

ZAKHARIA 7:6 ပူးပေါင်းရင်းမြစ်များ

1 TAWARIKH 29:22

Faik ndia la'a linu no namahokok nai Manetualain matan. Boema soaneu ka la'i duan-na, ala po'a-benga Salomo da'di leo manek. No Manetualain na'den-na, ala so'un da'di sila manen-na ma Zadok da'di imam.

YESAYA 43:23

O ta meni bi'ilopo, soaneu o tutunu-hohotu nanatunum-ma fa, o ta fe ha'da-holomata neu Au, nenik o tunu-hotum fa. Te se'kona, Au ta fe o lelepa mabela, nenik o tutunu-hohotum fa, do ta tao akatoto'ak o, nenik Au akaseti o, fe Au boomenik fa.

YESAYA 58:3

Leoina ndia natane nae, “Sosoak hata, okaaok ndia, metema Manetualain ta mete fa? Sosoak hata, ita takaloe-takadae oa-tala, metema Au ta taoafik neu fan?” Manetualain nafa'da nae, “Te'e-te'e, lelek emi okaaom-mala, emi sanga nanalak soaneu emi, ma eese-lulumu hataholi fo, emi se'ba-baek-kala.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

HOSEA 9:4

Nai nusak sila-la, neukose emi ta hapu tunu-hotu angol, ma tutunu-hohotu bana-manu soaneu tao mamahoko Manetualain Manakoasa dalen-na. Neukose emi nana'am-ma, ana tao-na basa hataholi mana'ak-kala, da'di langgenggeo, sama leo na'a nana'ak manai feta natoi mamates-sa. Nana'ak ndia, sosoa-ndandaan nde ka'da, soaneu tao-na emi makabete. Neukose, emi ta meni faaanak boen, leo Manetualain Uman neu, fo tunu-hotun nai naa fa.

ZAKHARIA 7:5

nae, “Mafa'da basa laun manai nusak ia lala'en-na, ma basa imam mala, mae okaok ma kii-makaleleuk fo sila taon nai hataholi Yahudi-la bula ka 5 ma bula ka hitun-na, nai teuk hituhulu dalen-na ia, ta neni ha'da-holomata ba'eneu Au fa.

ZAKHARIA 7:7

Dede'ak ndia nde Manetualain nafa'dan tunga nabi-la nai tepo-lelek maneuk-ka, fo nai lelek hataholi bei leo nai Yerusalem, de laun-na tetu-temak. Nai lelek ndia, hataholi ta ka'da leo nai nggolo-nggolok manai kota boboa-kaisun fa, tehu lena-lenak, ala leo nai boboan kona, ma nai pupukuk-kala huun-na, fo nai boboak muli.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ULANGAN 14:26

Emi mahiik su'di beek-ka soona, asa pake doik sila-la – sapi, bi'ihiik, bi'ilopo, angol ma ala-lalu – boema nai mamanak ndia, fo nai emi Manetualaim-ma matan, emi ma emi teidalem-mala, muse mi'a-minu sama-sama no namahoko-setelek.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”