ZAKHARIA 7:12 - Susula Malalaok Hehelu Palak Ma Hehelu Beuk

¹² Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

ZAKHARIA 7:12 ပူးပေါင်းရင်းမြစ်များ

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

MAZMUR 50:17

Nana o ta nau sipok Au hala kekena-kaka'ing-nga fa, ma o tipa Au paletang-ngala.

KELUARAN 7:13

Leomae leondiak boe, manek-ka nalanga batu nahele, de ana ta taoafik neu Musa no Harun dede'a-kokolan, sama leo Manetualain nafa'da basak-ka so.

YESAYA 46:12

Hai hataholi manakoao-ndaeaok-kala lemin, emi fo manadodoo mae sesengik-ka, bei nai dook-ka.

YESAYA 48:4

Au bubuluk, ae o dalem-ma natea, ta tunga paleta, ma langa batuk.

YESAYA 6:10

Boema, nafa'da au nae, “Tao mapa'a hataholi sila-la dudu'a-aafin-nala, tao mapake di'idoon-nala, ma tao mapoke matan-nala, fo ela ala boso lita, lamanene do lalelak, soona ala fali ma'is leo Au mai, fo ala lea-hai.”

YESAYA 65:12

Neukose emi basa-basam-mala mate, da'di leo tutunu-hohotu laka-nakasetik. Nana lelek Au aloo, emi ta mataa fa, ma lelek Au kokolak, emi ta mamanene fa. Emi nau ka'da lena-la'ban Au, ma tao hata fo mangalauk.

YEREMIA 17:1

Manetualain nafa'da nae, “Hai leoina Yehuda-la lemin, emi sala-singom-mala nanadoki-dula basak nai emi dalem dale, ma nai basa emi mei tunu-hotun-nala bu'un-nala nenik enge besik fo enge-a matan-na nenik poemata mai.

YEREMIA 17:23

Tehu emi bei ba'i-kaim ta nau lamanene do tao afik neu hata fo Au afa'dak fa. Sila lalanga batu, ma ta nau tunga paleta do nafa'da fas.

YEREMIA 26:19

Tehu manek Hizkia ma hataholi Yehuda-la ta tao lisa Mikha fa. Nakalenak seluk bai, Hizkia bi neu Manetualain ma noke Manetualain sue lain. Tutika Manetualain helafalik nasa melun fo manatao namate-namopos-sala. Ma besak ia isabaina ita ia teni susa soe matuaina neu ita aoinan.”

YEREMIA 42:21

Hundia de, besak ia au anduku-alosak ita Aman Manetualain hala-haituan-na neu emi so. Tehu em ta nau tunga hala-haituak ndia fa.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YESKIAL 11:19

Neukose Au fes dale beuk ma ha'da palii beuk. Neukose Au ho'i-heni, sila dalen fo natea sama leo batu-a, fo Au nggatin nenik dalek fo, manatunga neu Au.

YESKIAL 14:5

Basa sosongo-tatangok sila-la, ala tao-la Au anang-ngala, dook-ka leme Au mai, tehu sa'di leo been-na, no Au natataang ndia de, Au anang-ngala fali ma'is leo Au mai.’

YESKIAL 2:4

Ala lalangabatu, ma ala ta fe ha'da-holomata neu Au fa. Au adenu o muu leo hataholi sila-la, fo manduku-malosak hata fo Au, Manetualain Fo Mademaina, afa'da neus,

YESKIAL 36:26

Boema Au fe emi dale beuk, ma dudu'a-aafi beuk. Neukose Au nggati o dale mateam, fo sama leo batu ndia, nenik dale manatunga paleta.

ZAKHARIA 1:2

Manetualain paleta au, fo au afa'da anan-nala ae leo ia, “Nai tepo-lelek makahulun-na, Manetualain Fo Manakoasa, namanasa emi bei-ba'i kaim-mala nanseli.

ZAKHARIA 7:7

Dede'ak ndia nde Manetualain nafa'dan tunga nabi-la nai tepo-lelek maneuk-ka, fo nai lelek hataholi bei leo nai Yerusalem, de laun-na tetu-temak. Nai lelek ndia, hataholi ta ka'da leo nai nggolo-nggolok manai kota boboa-kaisun fa, tehu lena-lenak, ala leo nai boboan kona, ma nai pupukuk-kala huun-na, fo nai boboak muli.

MATEOS 13:15

Nanahu hataholi ia la, dudu'a-aafin nala pa'an so, di'idoo nala pakes so, ma mata nala lasusungu kana so. Dede'ak ia ana da'di, fo ela mata nala boso lita, ma di'idoo nala, boso lamanene, dudu'a aafin nala, boso lamatane, fo ela, ala boso fali leo Au mai, fo Au boso tao ahais.’ ”

MARKUS 4:12

fo ela ‘Ala taoafik lakandoo, tehu ala ta bubuluk hata fo ana dadi fa, neukose lamanene lakandoo, tehu ta lalelak fa, dede'ak ia ana dadi, fo ela ala boso lita ma lalelak, ma ala boso mai leo Manetualain mai, fo Manetualain fes do'o do ampon.’ ”

LUKAS 8:12

Bini-ngges fo manatu'da nai enok lai na, nakasasama na nde hataholi fo lamanene dede'a-kokolak sila la. Tehu Nitu mai de ana losonini halak ndia neme dale nala dalek mai, fo ela boso lamahele fo nanasoi-tefa kala.

HATAHOLI 28:27

Nanahu leoina ia dudu'a-aafin, ta lamatane so'on, di'idoo nala da'di pakek so, ma mata nala lasusungu kana so. Dede'ak ia ana da'di, fo ela mata nala boso lita, di'idoo nala boso lamanene, dudu'a-aafi nala boso lalelak, fo ala boso fali leo Au mai, fo Au tao alea-ahais.’ ”

2 PETRUS 1:21

Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.