ZAKHARIA 6:11 - Susula Malalaok Hehelu Palak Ma Hehelu Beuk

¹¹ Taom-ma bulamolik esa neme sila fe lilopila-lilofulak-kala, fo tao neu Imam Matuaina Yosua, fo Yozadak anan-na, langan-na.

ZAKHARIA 6:11 ပူးပေါင်းရင်းမြစ်များ

2 SEMUEL 12:30

Dauk ho'in-na ti'ilanga manek-ka, neme sila manen-na langan lain mai, de ana paken. Ti'ilanga manek ndia belan-na, fafa'kama kilo teluhulu lima, ma la'en nenik poemata manahiik. Dauk boeo, ho'i neni bua kakalok makadotok nanseli neme kota ndia mai.

EZRA 10:18

Hataholi manasao inak neme nusa dea mai-a, susulan-na nde ia: Basa Imam-mala, nanasulak no teidale-bobongin-nala: Teidale-bobongik Yesua no tolanoon-nala, Yozadak anan-nala: Maaseya, Eliezer, Yarib ma Gedalya

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

MAZMUR 21:3

O tao matetu dale hihii-nanaun so, ma O fen hata fo noken.

KELUARAN 29:6

Pa'a fefeo langak neu langan-na, ma lolo'e lilopilas fo nanabalias nenik dodoki-dudulak ‘Nanahele hehelik soaneu Manetualain-na’, neu fefeo langak ndia.

KELUARAN 39:30

Boeo ala tao balias neme lilopilas isik-ka mai, fo da'di ta'du-tanan-nae sila nanahele hehelik soaneu Manetualain. Dede'ak ia la nanadoki-dulak neu balias sila: “Nanahele hehelik soaneu Manetualain.”

KIDUNG AGUNG 3:11

Kalua leon, hai anafe'oana Sion-nala lemin, mete mitak Mane Salomo no bulamolik fo inan taon neu langan-na, nai faik ana ka'bing-nga, nai faik fo namahoko-setelee.

IMAMAT 8:9

Boema, ana pa'a fefeo langak-ka neu Harun langan-na, ma ana so'dok lilopilas neu fefeo langak ndia, fo da'di ta'du-tana, nae Harun da'di Manetualain nuun so. Musa tao basa sila-la tunga Manetualain paletan-na.

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.

HAGAI 2:4

Tehu, boso ketu namahehena mala, hai emi basa-basam-mala lemin! Tao-no'i makandoo bela-ba'uk ndia, nana neukose Au tulu-fali ahele emi.

ZAKHARIA 3:1

Nai ninita fe'ek esa seluk dalek, Manetualain natu'du au, Imam Matuaina Yosua, bei napadeik nai Manetualain ata nusa so'dan-na matan-na. Nitu fo naheheleaon basa, soaneu ana kalaak-kana, napadeik nai Yosua boboan-na.

ZAKHARIA 3:5

Ata nusa so'dak ndia boeo, ana paleta malalau-maoonon-nala, fo ala tao bulamolik balisi neu Yosua langan-na. Ala tao tunga paleta ndia, de basa ndia boema, ala pake Yosua bua-lo'a beuk ndia, no Manetualain ata nusa so'dan-na naneas.

ZAKHARIA 6:14

Pe'da bulamolik ndia, nai Au Umang, fo ana da'di nasanene'dak neu Heldai, Tobia, Yedaya, ma Yosia.

IBRANI 2:9

Tehu ita tita basa Yesus koasa so! Ndia nananakadada'dik nai ata nusa so'da kala dae faa anak, soaneu fai keke'u anak esa mesa kana, fo ela no Manetualain dale malole na, fo Ana hapu mate soaneu basa hataholi daebafa ka lala'ena. Besak ia, ita tita Manetualain fen nangatutuu mandela-masa'ak, ma nanafe ha'da-holomata, nanahu Ana doidoso basa losa maten.

NINITAK 19:12

Mata na sama leo ha'i pila ka, ma Ana pake bulamolik makadotok nai langa na. Na'dek esa nanasulak nai aoina na, fo ka'da ndia mesa kana nde nalelak na'dek ndia.

NINITAK 6:2

Boema au ita tete'e ka hapu ndala fulak esa. Manasa'e nana, ana ho'u kokouk esa, ma ala fen bulamolik esa. Ana kalua nasale leo daebafa ka da'dileo manasengik fo neukose ana sengi musu nala.