ZAKHARIA 2:13 - Susula Malalaok Hehelu Palak Ma Hehelu Beuk

¹³ Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

ZAKHARIA 2:13 ပူးပေါင်းရင်းမြစ်များ

2TAWARIKH 30:27

Imam-imam-mala ma hataholi Lewi-la loke Manetualain baba'e-papalan ba'eneu laun-na, de neme mamana leleo-na nai nusa so'dak-ka, Manetualain namanene sila huhule-haladoin boema Ana sipok sila nonoke-na.

MAZMUR 11:4

Manetualain nai Uma malalao-malalafun dale, kandela manen-na, nai nusa so'dak-ka. Ana taoafik neu hataholi daebafak-ka ma Ana bubuluk basa tatao-nono'in lala'en-na.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 68:5

Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

MAZMUR 78:65

Boema Manetualain fo'a, sama leo hataholi fo ana fo'a neme susungun-na mai, sama leo hataholi balakaik-ka, besak-ka ninu basa angol.

YESAYA 14:2

Neukose leoina makadotok ala tulu-fali leoina Israel-la, fo ala fali leo nusak fo Manetualain fen neu sila, de neukose leoina ndia, ana da'di ata neu Israel. Neukose Israel foo hataholi fo ala foo hai Israel-so, ma ana paleta hataholi fo ala tuni-ndeni hain so.

YESAYA 19:16

Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 41:1

Manetualain nae, “Bedenge leon fo mamanene Au, hai laun manai nusa dook-kala lemin. Maheheleaom, fo meu leo manakee-manafula meu tutulumatak fo, kalaak emi dede'am-ma. Mai fo, ata takabubua tala halak esa, soaneu taketu-tala'di, see ndoos ma see sala.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YEREMIA 25:30

Basa hata fo Au afa'dan neu o-a, hai Yeremia, muse o manduku-malosak-kana. Mafa'da meus mae, ‘Manetualain halan-na nakapepela neme nusa so'dak-ka mai; ana nasanggunggulu la'ban Anan-nala neme mamana leleon fo malalau-malalafuk-ka. Basa laun manai daebafak-ka lamanene Ana naka'di-nakau sama leo manamaue-maosak fo manake'e anol nai mamanak kaka'bik-ka.

HABAKUK 2:20

Manetualain nai Uma malalao-malalafun dale. Ela leo been-na basa hataholi manai daebafak-ka, ta hala nai matan-na.

ZEFANYA 1:7

Manetualain fain-na deka so. Neukose Manetualain ho'i nakeketuk nai faik ndia. Hu ndia de, pe'daom nai matan-na. Manetualain naheheleaon soaneu Ana ho'i-na anan-nala ani hahaen-na, sama leo do'do bana tutunu-hohotuk-ka, de ana ka'i basa Yehuda musun-nala so.

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

ZAKHARIA 6:15

Neukose hataholi-la, ala mai leme mamana dook-ka mai, fo ala tulu-falin, fo lafofo'a falik Au Uma nga. Metema tao basa uma ndia soona, neukose ala bubuluk, lae Au Manetualain Fo Manakoasa, nde nadenu basa o, leo sila neu so. Neukose basa sila-la, ala da'di, metema te'e-te'e ala tao tunga Au, Manetualain fo sila Manetualain, paletan-nala.”

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

ULANGAN 18:21

Fafa'kama, emi matane nai, emi dalem dale mae, ‘Tao leo beek fo, ami bubuluk, ade nabi ndia, hala hehelun-na, neme Manetualain mai do ta?’

ULANGAN 18:22

Metema nabi esa, ana kokolak pake Manetualain na'den-na, tehu hata fo ana kokolak-kana ndia, ana ta da'di fa soona, hala-kokolak ndia, ta neme Manetualain mai fa. Nabi ndia, ana kokolak pake ndia na'den-na, de ta paluu emi bii-mamata'u neu fan.”

ULANGAN 26:15

Neme O mamana malalao-malalafum manai nusa so'dak-ka, o makanae ma O ba'e-pala O anam Israel; boeo O fe baba'e-papalak neu O fe ami nusak fo kamasu'ik ma maoe-maisik ndia, nandaa no O hehelu-balataam neu, ami bei-ba'i kaim-mala.’ ”