ZAKHARIA 14:7 - Susula Malalaok Hehelu Palak Ma Hehelu Beuk

⁷ Nai faik ndia, ta hapu makahatuk so'on. Neukose faik ndia, mangale'dok nahele, ma boeo nai fai le'odaen-na. Tehu ka'da Manetualain mesak-kana, nde bubuluk, faihi'da faik ndia losa.

ZAKHARIA 14:7 ပူးပေါင်းရင်းမြစ်များ

MAZMUR 37:18

Manetualain nanea, hataholi manatao malole-a, so'dan-na, sila pusakan-na, nahele losa dodoon-na.

YESAYA 11:9

Ta hapu hata mangalauk ma nalutuk nai Sion, fo Manetualain Pupuku Malalao-malalafun-na fa. Neukose nusak-ka, henuk no malelak la'eneu Manetualain, sama leo oe henu tasi-a.

YESAYA 24:23

Neukose bulak-ka makahatuk, ma le'do-a, ta nasalaa so'on, nana Manetualain Fo Manakoasa, neukose Ana paleta da'di leo manek. Neukose Ana paleta nai Yerusalem, nai Pupuku Sion-na lain, ma natu'du matua-mademan neu basa anan-nala mauli-malangan-nala.

YESAYA 30:26

Neukose bulak-ka mangale'don-na, sama leo le'do-a mangale'don-na, ma le'do-a namaneu la'i hitu neme biasan-na mai, ma le'do mangale'don-na, sama leo mangale'dok faik hitu dalen-na. Basa sila-la, neukose ala da'di nai lelek Manetualain popoti-papalu, ma nakahahaik anan-nala bisun fo, lakahinak-kala so.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YESAYA 58:10

Fe hataholi kamala'ak-kala la'a, ma tulu-fali hataholi nanatuni-ndenik-kala. Metema emi tao leondiak, soona makahatuk manai emi boboa-kaisum-ma, neukose ana da'di mangale'dok, sama leo nai fai lele'don-na.

YESAYA 9:7

Manetualain naketu basa nusa Israel-la, huhukun-na so.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

AMOS 8:9

Neukose fain-na losa, Au fe le'do tenak nai lelek le'dohana, ma daebafak-ka makahatuk nai fai lele'don-na. Au, Manetualain Fo Mademaina, kokolak ae leo ndia.

MATEOS 24:36

“Ta hapu hataholi bubuluk fai na do liu na fai hi'da fa. Ata nusa so'da kala boeo ta. Manetualain Ana na boeo ta, te ka'da Ama ka mesa kana nde bubulu kana.

MARKUS 13:32

“Leomae leondiak boe, ta hapu hataholi esa boen fo ana bubuluk faik bee do li'u bee a fa. Ata nusa so'dak fo manai nusa so'da ka, ala ta bubulu kana fa, ma Ana ka boeo, ana ta bubulu kana fa, te ka'da Ama ka mesa kana nde bubulu kana.

HATAHOLI 1:7

Boema Yesus nafa'das nae, “Au Amang nde naketu le'dofai na. Ta paluu emi bubuluk dede'ak ndia fa, nana Au Amang hak ndia.

HATAHOLI 15:18

fo nafa'da basa dede'ak ndia, neme makahulun eli mai so.”

HATAHOLI 17:26

Neme ka'da hataholi esa mesa kana de nakadada'dik basa leoina lala'ena, boema nadenus fo ala leo lai basa daebafa ka lala'ena. Ndia boeo nde mana naketu basa neme makasososan mai a, faihi'da, ma nai bee, hataholi daebafa ka bole naso'da.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 14:6

Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

NINITAK 21:25

Kota ndia lelesuina nala nanasoik tunga faik, de ta nanakenak fa, nana ta hapu le'odaek nai ndia fa.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.