ZAKHARIA 14:16 - Susula Malalaok Hehelu Palak Ma Hehelu Beuk

¹⁶ Basa boema, basa hataholi fo bei laso'da nai leoina manasapu-na Yerusalem dalek-ka, neukose leu leo kota ndia leu, fo ala sene-do'ok neu Manek, fo Manetualain ma soaneu, ala tao Feta Lalaa Akidook-ka.

ZAKHARIA 14:16 ပူးပေါင်းရင်းမြစ်များ

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

EZRA 3:4

Sila boeo tao feta Fai Matua Lalaa Akidook-ka, nandaa no nakanenetek-ka; ma tunga faik, ala fe tutunu-hohotuk, fo nananaketu basak soaneu faik ndia.

MAZMUR 66:4

Daebafak-ka lala'ena, sene-do'ok neu O, ala lakamee koa-kio O na'dem-ma.

YESAYA 18:7

Neukose fain-na losa, tunu-hotuk-kala nanananduku-nalosak neu Manetualain Fo Manakoasa, neme nusak ndia, fo lee-la tunga tala'da, neme leoinan fo mabe'i-balakaik ma makadelek, neme hataholin fo mademaina-la, ma lou mangana'uk, ma basa daebafak-ka lala'en-na bii-lamata'us. Neukose ala mai leo Pupukuk Sion-na, leo mamanak fo Manetualain Fo Manakoasan nanasene-do'ok.

YESAYA 19:21

Neukose Manetualain natu'du aoinan-na neu leoina Masir-ra, fo neukose lalelak-kana, fo ala sene-do'ok neun, boema leni fen tutunu-hohotuk ma tunu-hotuk. Neukose ala tao hehelu-balataak loon, nenik sosoo-susupak, soaneu ala tao latetun.

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YESAYA 66:23

Tunga-tunga bula beuk, ma tunga-tunga fai Sabat-ta, basa hataholi daebafak lala'en-na, neukose ala mai, soaneu sene-do'ok Au nai Yerusalem.

YEREMIA 46:18

Au, Manetualain Fo Maso'dak, Au Manek, Manetualain Fo Manakoasa. Sama leo letek Tabor-ra poin-na to'de nai letek-kala tala'da ma sama leo letek Karmel-la poin-na to'de nai tasi-a bafan-na, ndia fo manasapun-na o-a be'i-balakaim leondiak.

YEREMIA 48:15

Moab no basa kota-kota-nala nanatao nakalulutuk so, ma hataholi muli-solu neulaun-nala nanataonisakala. Au nde manakokolak-ka. Au manek Manetualain fo Manakoasa.

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

HOSEA 12:9

Lafa'da lae, ‘Besak ia, ita tamasu'i, Ita hapu nanalak! Ta hapu hataholi esa boen, bisa ana kalaak ita, nae ita hapu su'i-betes sila-la, nenik enok tipu-daik fa.’

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

ZAKHARIA 9:7

Neukose ala ta la'a seluk paa matak do nana'a nalulik so'on. Basa hataholi fo bei ela kala, neukose ala da'di Au anang-ngala, ma nanasipok, fo ala da'di leo esa nai leo Yehuda dalek. Neukose Ekron da'di Au anang, sama leo hataholi Yebus-sala nai tepo-lelek makahulun-na.

MALEAKHI 1:14

Soo-supak be'eneu manake'di-ndiuk, fo ana tunu-hotu fe Au bana beli tak, metema bei hapu bana neulauk nai banan-nala dalek, fo ana helu basa, ana fen neu Au so! Nana Au nde Mane Matua-madema, ma nanafe ha'da-holo mata neme basa leoina-la mai.”

LUKAS 19:38

Lalo bebou lae, “Nanaba'e-palak ba'eneu Manek fo ana mai no Manetualain na'de na! So'da-molek nai nusa so'da ka, ma kokoa-kikiok neu Manetualain!”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 7:2

Lelek ndia, Fai Matua Lalaa Akidoo ka ana deka so.

HATAHOLI 15:17

fo daenga beiela hataholi sila la, ala sanga Amak Manetualain, sama-sama lo leoina fe'ek fo ta hataholi Yahudi la fo Au alos soaneu ala da'di Au nuu ngala.’ Amak Manetualain nae leondia,

ROMA 11:16

Metema loti bibia makasososa ka ala fen leo Manetualain neu soona, dede'ak ndia sosoa na nae, ala fe la'iesak loti ndia leo Manetualain neu boe. Ma metema Manetualain nanuu ai a oka na soona, dede'ak ndia sosoa na nae, Manetualain nanuu la'iesak ai ndia ndana nala boe.

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

ROMA 11:5

Leondiak boe besak ia: hu no Manetualain susue-lalain de Ana hele basa hataholi lumanak so.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”