ZAKHARIA 14:11 - Susula Malalaok Hehelu Palak Ma Hehelu Beuk

¹¹ Neukose, hataholi-la leo no nee-nee lino-linok, nai kota ndia, no ala ta bii-lamata'u neu momopo-mamatek-ka fa.

ZAKHARIA 14:11 ပူးပေါင်းရင်းမြစ်များ

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 60:18

Neukose ta hapu seluk halak, la'eneu naseti-nalakak nai o nusam-ma fa, la'eneu nakalulutuk, ma manandefak nai o dae baba'em-ma fa, Neukose Au asulu-ahapa o, sama leo papala nanadamak-ka, fo neukose, o koa-kio Au, da'di leo o manasoi-manatefam.

YESAYA 66:22

Sama leo lalai beuk ma daebafa beuk-ka, neukose lakatatakak, nanahu Au koasang-nga, leondiak boe, emi tititi-nonosim, ma emi na'dem-ma nahele.

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

YOEL 3:20

Soaneu hataholi sila daan-na, de neukose Au oke babalan-na, neukose, Au ta'ti heni hataholi manataonisak-ka. Tehu Yehuda ma Yerusalem soona, neukose mahataholik nahele, ma neukose Au leo ahele Lete Sion-na.”

AMOS 9:15

Neukose Au fe Au anang-ngala, leo nai nusak fo Au fe basan neu sila so. Neukose, ala ta kalua leme naa mai so'on. Au Manetualain fo sila Manetualain-na nde manakokolak-ka.”

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

ZAKHARIA 2:4

Ata nusa so'da makasososak-ka, nafa'da ata nusa so'dak-ka dua nae, “Muu lai-lai leo touanak ndia muu, fo mafa'dan mae, neukose Yerusalem henuk no hataholi daebafak ma bana manu, nalosa ta bisa nafofo'a papala nanadamak nai boboa-kaisun fa.

ZAKHARIA 8:13

Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”

ZAKHARIA 8:4

Neukose toulasik ma inalasik fo lamalasi lanseli so, nalosa ala muse la'ok pake aitete'ek, langatuuk lai Yerusalem moo maloan dale.

ZAKHARIA 8:8

fo Au o falik-kasa leme dulu ma leme muli mai, fo ala leo seluk lai Yerusalem. Neukose sila da'di Au anang, ma Au da'di sila Manetualain. Neukose Au paletas no lilinekak ma tunga ndoos ma matetuk.”

BILANGAN 21:3

Manetualain sipok hataholi Israel-la nonoken-na, de Ana tulu-falis, losa ala sengi hataholi Kanaan-nala. Boema, hataholi Israel-la tao lamopo-lamate hataholi Kanaan sila-la, loo kotan-nala, boema ala foi mamanak ndia na'de Horma.

ULANGAN 33:28

Soona, neukose Yakob tititi-nonosin, laso'da no tetu-temak, nai nusak fo, henuk no gandum, ma angol-la, fo dinis-sa, ana kona neme lalai mai, de ana tetees.

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”

NINITAK 22:3

Nai kota ia dalek, ta hapu hataholi esa boen fo Manetualain supa-soo fan. Manetualain ma Bi'ilopo Ana ndia kandela mane na, nai kota ndia dalek fo ata nala hule-haladoi neun,