ZAKHARIA 13:9 - Susula Malalaok Hehelu Palak Ma Hehelu Beuk

⁹ Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

ZAKHARIA 13:9 ပူးပေါင်းရင်းမြစ်များ

2 SEMUEL 7:24

O tao leoina Israel-la, da'di O ana mesam, losa dodoon-na, ma O, ou Manetualain, O da'di sila Manetualain so.

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

AYUB 28:1

Hapu mamanak fo, hapu lilofulak nai ndia; ma hapu mamanak, fo nai bee, lilopilas-sa nanataok neu liloisik.

MAZMUR 144:15

Maua-manalek ba'eneu leoina leondiak-ka, maua-manalek ba'eneu hataholi fo, Aman nde Manetualain!

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

AMSAL 17:3

Lilopilas ma lilofulak-ka, nanafolak nai ha'ikaak dale, tehu Manetualain fola hataholi-a dalen-na.

KIDUNG AGUNG 2:16

Au touana susueng-nga au nuung, ma ndia nuun au, ana foo bi'ilopon-nala nai bunga tale-la tala'da

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 48:10

Au fola o nai ha'i doidosok dale, sama leo lilofulak-ka, nanafolak nai dapu ha'i dale.

YESAYA 58:9

Metema emi hule-haladoi soona, neukose Au sipok-kana. Metema emi maloo bou-bou neu Au soona, neukose Au ataa. Boso tuni-ndeni seluk, emi nono hataholim-ma, hahae tao musu, ma hahae kokolak manggenggeo hataholi na'den.

YEREMIA 24:5

“Hataholi fo Au po'ilotak-kasa nanafua nenik lo Babel neu ndia, Au akasasamak-kana sama leo ai kaak boak fo neulau hik iala; hu ndia de Au, Manetualain fo Israel Manetualain-na, neukose tao sila no malolen-na.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 32:38

Neukose sila da'di Au anang, ma Au da'di sila Manetualain-na.

YESKIAL 11:20

Boema, neukose ala tunga Au nakaneneteng-ngala, ma ala tunga basa Au paletang lala'en-na, no dale katematuan-nala. Neukose ala da'di Au anang, ma Au da'di sila Manetualain.

YESKIAL 14:11

Au tao basa sila-la, fo ela hataholi Israel-la, boso boe dook-ka leme Au mai, ma boso boe tao langgenggeo aoinan-nala, nenik sala-singok-ka. No enok ndia, neukose ala da'di Au anang, ma Au da'di sila Manetualain.” Au, Manetualain Fo Mademaina, nde manakokolak-ka.

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

YESKIAL 36:28

Boema neukose, emi leo nusak fo, Au fen neu emi bei-ba'ikaim-mala. Neukose emi da'di Au anang, ma Au boeo, neukose da'di emi Manetualaim-ma.

YESKIAL 37:27

Neukose, Au leo sama-sama os, fo Au da'di sila Manetualain, ma sila da'di Au anang.

DANIAL 11:35

Mauli-malangan manatee-tenok sila-la nggelok, neukose nanataonisak, tehu ndia ka'da nalupa soso'ba-susu'dik ba'eneu Manetualain anan-nala, fo ala da'di neuisik. Neukose dede'ak ndia ana da'di losa tepo-lelek mate'ek-ka, fo nde tepo-lelek Manetualain naketu basak-ka.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

IMAMAT 26:12

Neukose, Au sama-sama o emi; neukose Au da'di emi Manetualaim, ma emi da'di Au anang.

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

ZAKHARIA 8:8

fo Au o falik-kasa leme dulu ma leme muli mai, fo ala leo seluk lai Yerusalem. Neukose sila da'di Au anang, ma Au da'di sila Manetualain. Neukose Au paletas no lilinekak ma tunga ndoos ma matetuk.”

HATAHOLI 2:21

Neu faik ndia te metema see nalo neu Lamatua ka soona, neukose naso'da.’

IBRANI 8:10

Tehu besak ia, ia nde hehelu-balataak fo neukose Au taon no leoina Israe la nai fai-fai manamai ka, Manetualain nafa'da nae: Neukose Au tao Au hoholo-lalaneng neu dudu'a-aafi nala dalek, ma Au sula kana neu dale nala dalek. Neukose Au da'di sila Manetualai na, ma neukose sila da'di Au hataholi kamahehele ngala.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 PETRUS 4:12

Tolanoo susue-lalai ngala lemin! Besak ia emi doidoso manseli, nanahu emi bei nanaso'ba-su'dik. Tehu emi boso dodoo mae, nono ka bai de, hata matua ina esa, ana da'di neu emi.

NINITAK 21:7

Hataholi fo manasengi kala, neukose ala sipo basa dede'ak sila la neme Au mai. Neukose Au da'di sila Manetualai na, ma sila da'di Au ana ngala.

NINITAK 8:10

Basa boema, ata nusa so'da katelu ana puu pupuu na, boema nduuk matuaina esa pila lo'a-lo'a sama leo obo la, ana tu'da neme lalai mai, boema ana tuni na lee la ma oe mata manai daebafa ka baba'ek esa neme baba'ek telu.

NINITAK 8:11

(Nduuk ndia na'de, “Makahe'duk”.) Hu ndia de oe ala baba'e esa neme baba'ek telu oe na da'di makahe'duk, de mate basa hataholi makadotok nanahu linu oe fo manada'di makahe'duk ndia.

NINITAK 8:12

Ata nusa so'da kaha ana puu pupuu na boema, le'do a, bula ka, nduu kala baba'ek esa neme baba'ek telu nanafapak de nalosa mangale'do nala mopos. No enok ndia, lele'do ka baba'ek esa neme baba'ek telu ta mangale'dok fa, leondiak boe le'odae ka baba'ek esa neme baba'ek telu.

NINITAK 8:7

Ata nusa so'da makasososa ka ana puu pupuu na boema, u'da eis ma ha'i sese'dok no daak, ala tu'da lakamiu leo daebafa ka mai. Boema ha'i na'a naputu daebafa ka baba'ek esa neme baba'ek telu. Leondiak boe ai la ma na'u manamomo'do kala ha'i na'a naputu baba'ek esa neme baba'ek telu.

NINITAK 8:8

Boema ata nusa so'da kadua ana puu pupuu na. Boema hata esa matuaina nanseli, meten soona sama leo lete manapila lo'a-lo'a ka, nanatapak leo tasi dale neu. Boema tasi oe na baba'ek esa neme baba'ek telu nasafali da'di daak,

NINITAK 8:9

ma basa mahahaek manai tasi dale la baba'ek esa neme baba'ek telu mate la'iesa kasa. Leondiak boe ofak manai tasi lai la hea nakalulutuk basa baba'ek esa neme baba'ek telu.