ZAKHARIA 12:7 - Susula Malalaok Hehelu Palak Ma Hehelu Beuk

⁷ Au, Manetualain, nde makasososa fe sesengik neu solda'du Yehuda-la, fo ela ha'da-holomata fo Dauk tititi-nonosin sipon, boema laun Yerusalem-mala, ta lenak neme ha'da-holomata fo laun Yehuda fe'ek-kala sipok-ka fa.

ZAKHARIA 12:7 ပူးပေါင်းရင်းမြစ်များ

AYUB 19:5

Emi dodoo mae, emi malole lena neme au mai; emi mafa'da mae, au toto'a-tatang-nga, nde da'di buti neu au salang-nga.

MAZMUR 35:26

Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

MAZMUR 38:16

Tehu au amahena neu O'ou Manetualain, ma O, fo au Manetualaing-nga, nataa au.

MAZMUR 55:12

Nai mamanak lala'ena, hapu nakalulutuk-ka, tuni-ndenik ma ke'di-ndiuk-ka, da'di nai pasak-ka.

YESAYA 23:9

Manetualain Fo Manakoasa, Ndia nde ho'i nakeketuk ndia. Ana ho'i nakeketuk, soaneu tao nate'e laun-na koao-ndaeao neu, ala hapu basa buna-boak lala'en-na, ma nakadadaek hataholi fo nanafe ha'da-holomata nai daebafak-ka.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

ZAKHARIA 11:11

Nai faik ndia boe, hehelu-balataak ndia, ta paken so'on. Basa manadangan bi'ilopo sila-la, taoafik neu au, de lame'da lae, Manetualain bei kola-kola tunga au tatao-nono'ing lala'en-na.

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

LUKAS 10:21

Bei nai faik ndia boe, Yesus namahoko hu ka nde Manetualain Dula Dale na koasa nan. Yesus nae, “Ama, Manetualain fo mana koasa lalai ma daebafa ka! Au oke makasi neu O, hu ka nde basa sila la O bibila-babaas neme hataholi malela kala ma malelaina la, tehu O matu'dus neu hataholi manasakola ta kala. Ndia nde nandaa no Ama dale ma.

ROMA 3:27

Hu ndia de, ita ta hapu seluk ne'ek soaneu tamatutua-tamadedema fa. Taol e'e de, leondiak? Ade hu ka nde, ita tao tatetu hata fo nanasulak nai agama Yahudi hoholo-lalanen dale do? Ta leondiak fa. Te hu ka nde, ita tamahele.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”