ZAKHARIA 12:11 - Susula Malalaok Hehelu Palak Ma Hehelu Beuk

¹¹ Nai faik ndia, neukose hapu kii-makaleleu matuaina nai Yerusalem, sama leo kii-makaleleuk ba'eneu Hadad-Rimon nai Bafak Megido-a.

ZAKHARIA 12:11 ပူးပေါင်းရင်းမြစ်များ

2TAWARIKH 35:22

Tehu Yosia natea nahele soaneu la'ban, ma ana ta nau tunga hata fo Manetualain nafa'dan tunga Manek Nekho-a fa. Yosia pake papake-ngganggao fe'ek fo boso lalelak-kana, boema ana masok leo natee-natatik dalek nai masadokek Megido.

2TAWARIKH 35:24

Ala ko'on neme kaletan lain mai de ala laliheok-kana leo kaleta fe'ek esa nai ndia lain neu, de basa boema loon leo Yerusalem neu. Maten nai naa de latoi-latonon nai mane-manek-kala late mamana-na. Basa Yehuda ma Yerusalem laun-na lala'en-na falu mamaten-na.

ZAKHARIA 12:12

Boema basa teidalek manai nusak ndia, neukose ala kii-makaleleu mesa-mesan-nala; nanahu Dauk tititi-nonosin teidalen-nala, Natan tititi-nonosin teidalen-nala, Lewi tititi-nonosin teidalen-nala, Simei tititi-nonosin teidalen-nala, ma basa teidale fe'ek-kala. Neukose basa teidalek-kala, ala kii-makaleleu mesa-mesan-nala, ma basa teidale touk-kala, neukose ala kii-makaleleu fe'e leme inak-kala mai.”

MATEOS 24:30

Basa ndia soona, ta'du-tana Ana Hataholi ka nananitak nai lalai. Neu lelek ndia, basa leoina manai daebafa ka neukose ala kii makaleleu. Neukose lita Ana Hataholi ka Ana mai nai ko'as lain no koasa ma mandela-masa'a matua ina.

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!

NINITAK 16:16

Basa boema, dula dalek sila tao lakabubua manek sila la, nai mamana ka nai dede'a Ibrani dale soona ala foin na'de, Harmagedon.