ZAKHARIA 12:10 - Susula Malalaok Hehelu Palak Ma Hehelu Beuk

¹⁰ Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

ZAKHARIA 12:10 ပူးပေါင်းရင်းမြစ်များ

KEJADIAN 45:1

Yusuf ta nakatatakak-nala dalen-na so'on nai hataholi mana'a ngga'din-nala matan fa. Hu ndia de nadenus, fo ala la'oela mamanak ndia, fo ela ana hapu nafa'da tolanoon-nala tunga ndoon-na, see ndia.

KEJADIAN 45:2

Lelek basa hataholi mana'a ngga'din-nala la'oela mamanak ndia boema, Yusuf dola-dola mesan, nalosa hataholi Masir manai deak-kala lamanenen, de halak ndia losa uma manek-ka.

MAZMUR 51:12

Makadada'dik dalek fo, neuisik ba'eneu au, ou Manetualain, tao mabebeu au daleng-nga nenik manggatek fo matea-mahelek.

AMSAL 1:23

Metema au kena-ka'i emi, fo emi mamanene au, soona neukose au afa'da au daleng-nga oe-isin neu emi, ma au anoli au malelang-nga neu emi.

AMSAL 4:3

Lelek au bei anang-nga, fo au amang anaulun-na,

YESAYA 32:15

Tehu neukose, Manetualain mai la'iesa seluk no koasan-na. Soona neukose moo soloka'ek-ka, da'di tina maoe-maisik, ma neukose tina-la, sama leo nula.

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YEREMIA 31:19

Ami masadea O, tehu ami masasale-dale tatao-nono'ik ndia. Nai lelek O huku-doki ami-a, ami matete'a langa nanahu dale he'dik-ka. Ami mae de ami da'di nananakamumulu-nakamamaek, nanahu ami masala-masingo basa nai lelek ami bei muli solu.’

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YEREMIA 50:4

Manetualain nafa'da nae, “Nai faik ndia hataholi Israel ma Yehuda ala mai kii sama-sama fo sanga Au, sila Amak Manetualain-na.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

BILANGAN 21:9

Menge kaa hataholi see soona, neukose ana lea-hai, metema ana mete menge fo, taon neme liti ndia mai.

MATEOS 24:30

Basa ndia soona, ta'du-tana Ana Hataholi ka nananitak nai lalai. Neu lelek ndia, basa leoina manai daebafa ka neukose ala kii makaleleu. Neukose lita Ana Hataholi ka Ana mai nai ko'as lain no koasa ma mandela-masa'a matua ina.

MATEOS 26:75

Boema Petrus nafandele Yesus nafa'da basan nae, “Manu a beita kokoa boen te o malelesi Au la'i telu so.” Boema Petrus kalua leo deak neu de ana kii-makaleleu ma dale na he'di nanseli.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

HATAHOLI 10:45

Hataholi Yope kamahehelek fo mana tunga Petrus ala, nde bee na hataholi Yahudi sila la. Basa-basas dodoo doa kana lita Manetualain fe Dula Dale na neu leoina fe'ek fo ta hataholi Yahudi la fa.

HATAHOLI 11:15

Petrus kokolak nakandoo nae, nai lelek fo au mulai kokolak ae leondia, boema Manetualain Dula Dale na kona neu hataholi sila la, sama leo makahulu na ana da'di neu ita.

HATAHOLI 2:17

Manetualain nae, ‘Neu fai mate'e ka te neukose Au akona Au Dula Dale nga neu basa hataholi lala'ena. Emi ana tou mala ma emi ana ina mala, neukose lafa'da emi basa dede'ak fo Au afa'da neus ala. Neukose emi hataholi muli-solu mala, lita basa dede'ak fo Au atu'du neus ala. Neukose emi hataholi lasi mala, lalame'i me'is fo Au fe neus ala.

HATAHOLI 2:33

Boema Manetualain so'un da'di mana koasa matua-madema. Ma Ana fen Dula Dalek fo Ana helu basa ka. Hu ndia de, mita ma mamanene, te Ana fe ami Dula Dalek ndia boe.

HATAHOLI 2:37

Lelek hataholi sila la lamanene dede'ak ndia boema dale nala ta tesa-tama makandondook so'on. Boema latane Petrus no Lamatua ka hataholi nadedenu fe'e kala nae, “Tolano-tolanoo ngala lemin! Ami muse tao leo beek bai?”

ROMA 8:15

Nana Manetualain fe emi Dula Dale ka, ana ta tao emi da'di ata fo emi maso'da nai ka'da bibii-namata'u ka dalek fa. Dede'a nasafali na, Manetualain Dula Dale na, ana tao emi da'di Manetualain anan. Boema no Manetualain Dula Dale na koasan ndia de, ita talo Manetualain soona tae, “Ama, ou au Ama nga!”

ROMA 8:26

Leondiak boe, metema ita nai tapandoe sa dalek soona, Manetualain Dula Dale na mai tulu-fali ita. Nana ita ta bubuluk, ita hule-haladoi tao leo bee ka fa; Dula dalek ndia nde hule-haladoi nggati ita nai Manetualain matan.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

YUDAS 1:20

Tehu ba'eneu emi, fo au tolanoo susue ngala lemin! Oebeu emi so'da ma nakandoo, tunga emi namahehelem neu Yesus Kristu sa. Nana emi namahehelem ndia, malalaok nanseli. Hu ndia de, emi muse hule-haladoi minik Manetualain Dula Dale na koasa na,

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!

SEMUEL SUSULAK-KA ESAN-NA 7:2

Manetualain Peti Hehelu-balataan ndia nai Kiryat-Yearim dook-ka boe, fafa'kama teuk duahulu. Nai lelek ndia, basa hataholi Israel lala'en-na laloo bou-bou neu Manetualain fo loke tutulu-fafalik.