ZAKHARIA 11:5 - Susula Malalaok Hehelu Palak Ma Hehelu Beuk

⁵ Hataholi manaasak-kala, do'do bi'ilopo sila-la, te ala ta hapu huhukuk fa. Hataholi fo lase'o bi'ilopo sila-la paan-na, lafa'da lae, ‘Koa-kio Manetualain leona! Besak ia, ita boetai tamasu'i!’ Manafoo sila-la, dalen-nala ta tu'da kasian neu sila bi'ilopon-nala fa.

ZAKHARIA 11:5 ပူးပေါင်းရင်းမြစ်များ

2RAJA-RAJA 4:1

Faik esa boema, nabi manamatek esa, soainan-na neu leo Elisa neu, de nafa'da nae, “Ama, au saotoung-nga maten so! De Ama bubuluk, mae ndia boeo, hataholi manatunga Manetualain boe, tehu nahuta hataholi esa. Besak ia, hataholi ndia, ana mai fo ana ho'i-na au anang duas, fo ana taos da'di ata, fo ketu au saotoung-nga huta-bu'un.”

NEHEMIA 5:8

de au afa'da ae, “No ita be'i-balakain lala'en-na, ita soi-tefa ita tolanoon hataholi Yahudi-la, fo no nakasetik lase'o heni so'dan-nala neu leoina nusa fe'ek-kala. Tehu besak ia, emi ia makaseti seluk-kasa fo lase'o so'dan-nala neu emi, te se'kona emi boeo hataholi Yahudi boe!” Basa mauli-malangan sila-la, ta hapu lataa dede'ak de'ek esa boen.

YEREMIA 2:3

Israel, Au nuu heheling o, Au ana bonging, fo Au sue-laik-ka. Au fe soe-a, ana tuni-ndeni-nala, basa hataholi fo, manataon-na o doi-doso, Au, fo Manetualain nde manakokolak-ka.”

YEREMIA 50:7

Basa hataholi manamatongo no sila sapu las ma ala fe doidosok. Au anang-ngala musu-la lafa'da lae, ‘Beek fo ita tao ndia ta sala fa hu ka nde hataholi sila tao salak neu Manetualain. Bei-ba'ikain-nala lamahele neu Manetualain, boeo sila lamahele ka'da neu Manetualain.’

YESKIAL 34:10

Au Manetualain Fo Mademaina, afa'da emi, ae emi musum-ma nde Au ia. Neukose Au ho'i falik Au bi'ilopong-ngala leme emi mai, fo Au ta fe falik-kasa leo emi neu so'on; Au ta fe emi loak, soaneu emi dodoo-dudu'a emi paluu mesam-ma so'on. Neukose, Au soi-po'i Au bi'ilopong-ngala leme emi mai, fo ela emi boso boe do'do fo emi bai.’ ”

YESKIAL 34:21

Emi seseti, ma emi puka bi'ilopo kamahe'dis-sala, nalosa lalai la'oela nonoon-nala,

YESKIAL 34:6

Hu ndia de, Au bi'ilopong-ngala laleu-lalaak lai pupukuk-kala ma letek-kala poin-na. Ala tapasasala leo basa daebafak-ka lala'en-na leu, te ta hapu hataholi esa boen, fo ana nau taoafik do ana sanga fas.

HOSEA 12:8

Manetualain nafa'da leoina Israel-la nae, “Emi dalem-ma ta ndoos, sama leo hataholi Kanaan-nala. Emi manadangam-mala nau tipu-dai sila hataholi manaasa lahele nai sila, nenik tatais ta matetuk fa.

HOSEA 12:9

Lafa'da lae, ‘Besak ia, ita tamasu'i, Ita hapu nanalak! Ta hapu hataholi esa boen, bisa ana kalaak ita, nae ita hapu su'i-betes sila-la, nenik enok tipu-daik fa.’

AMOS 2:6

Manetualain nafa'da nae, “Hataholi Israe la lasala-lasingo tataas esa so, hu ndia de, neukose Au hukus. Hataholi manatao tunga ndoon-na, tehu ana ta hapu nggati falik hata totona-na fa, lase'o henin fo ana da'di ata. Leondiak boe, sila ha'da-tataon neu hataholi nuu-taa hata-taak fo ana ta hapu bae hutan-na, leomae hutan ndia belin-na ka'da ta'bueis pasan esa.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

YOHANIS 10:1

“Au dede'ang ia tete'e ka la'en. Metema hataholi esa, ana kae tunga bi'i lalae a, te ana tunga lelesu a fa soona, hataholi nakodaa ma manabonga uma ndia, nanahu ana ta tunga lelesu a fa.

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

NINITAK 18:13

ai lou makeek, bumbu-bumbu, boominik, ai daa tuuk, ma boominik; angol ma mina, ha'desopuk ma gandum; sapi ma bi'ilopo, ndala ma kaleta, ata la, lena-lenak hataholi a ani hahae na boe.

NINITAK 3:17

Emi mafa'da mae, ami kamasu'ik ma basa-basan manadaik. Da'di ami ta kulang hata-hata fa. Tehu emi ta bubuluk fa te, emi maleu-malaak manseli ma emi ha'da-tataom susa nanseli! Emi nuu ta-hata tak, makaholak, ma pokek.