ZAKHARIA 11:17 - Susula Malalaok Hehelu Palak Ma Hehelu Beuk

¹⁷ Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

ZAKHARIA 11:17 ပူးပေါင်းရင်းမြစ်များ

1RAJA-RAJA 13:4

Nai lelek Yerobeam namanene hala-kokolak sila-la boema, natu'du leo nabi ndia neu boema ana eki ma nae, “Ho'u ma hataholi ndia!” Tehu Yerobeam liman-na mela tutik, nalosa ana ta hapu hela falik-kana fa.

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 44:10

Sosoa-ndandaan ta, soaneu tao dodoki-dudulak fo sene-do'ok neun, da'di leo lamatua daebafak!

YESAYA 9:15

Nusak ndia mauli-malangan-nala, ala tao latofa-latalak ma tao tasi'bu laun-na.

YEREMIA 22:1

Manetualain nadenu au u leo manek Yehuda fo Dauk tititi-nonosin uma manen neu, soaneu anduku-alosak Manetualain hala hehelun neu manek no basa manana'a ngga'di ma Yerusalem laun-nala. Manetualain hala-kokolan neu sila leo ia,

YEREMIA 23:1

Manetualain fo Israel Manetualain-na nafa'da nae, “Soe ba'eneu emi basa mauli-malanga fo manatao tapasasala Au anang-gala! Tunga ndoon-na emi masamumumu-masamamao Au anang-ngala, tehu emi ta tao-no'i fan; emi po'ilotak-kasa ala tapasasala ma lalai. Besak ia neukose Au huku emi nanahu emi tatao-nono'i mangalaum-mala.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YESKIAL 13:3

Manetualain Fo Mademaina nafa'da nae, “Soe ba'eneu nabi-nabi nggoak sila-la! Ala tunga sila dale nakababalen-na, te ala ta lita ninitak esa boen.

YESKIAL 34:2

“Hai hataholi daebafak fo, manasapu-manalalok-konei, fe mane-manek Israel-la, nasanene'da mahelek, ma manduku-malosak hata fo Au, Manetualain Fo Mademaina, nafa'das nae, ‘Soe ba'eneu emi, hai manafoo Israel-la lemin. Emi dudu'a-dodoo ka'da emi aoinam-ma mesak-kana, te emi ta dudu'a-dodoo, emi b'ilopom-mala fa.

ZAKHARIA 10:2

Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

ZAKHARIA 11:15

Boema Manetualain nafa'da au nae, “Tao la'iesa seluk, nono'kabai o manafoo, tehu oek ia soona, o da'di leo manafoo ta malole fa.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MATEOS 23:16

Soe ba'eneu emi, fo mauli-malanga poke kala lemin! Emi manoli mae leo ia, Metema hataholi supa-soo ninik Manetualain Uma na soona, hataholi ndia natapo'i neme supa-soon mai, tehu metema ana supa-soo ninik lilopilas manai Manetualain Uman dale soona, ana ta natapo'i neme supa-soon ndia mai fa.

YOHANIS 12:40

‘Ao tao apoke mata nala, Au tao atea dale nala, fo ela mata nala boso lita, dudu'a aafi nala boso lalelak, fo ela ala boso fali leo Au mai fo Au tao alea-ahais.’ ”

YOHANIS 9:39

Boema Yesus nafa'dan nae, “Au mai leo daebafa ka mai, fo Au aketu-ala'di, fo ela hataholi poke kala hapu lita, ma hataholi mananita kala pokes.”

ROMA 11:7

Da'di, tao leo beek bai? Hataholi Israe la ta hapu hata fo ala sanga ka fa. Manahapu nana ka'da hataholi bubuanak esa fo Manetualain hele basa hataholi sila la so. Fe'e kala soona, basa-basas ta nau lamanene Manetualain hala nalolo na fa.

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

SEMUEL SUSULAK-KA ESAN-NA 2:31

Mamanene leona, te neukose fain-na losa Au taoisa basa touana muli-soluk-kala nai o teidale-bobongim-ma o leom dale, nalosa ta hapu toulasik nai o teidale-bobongim dale fa.