ZAKHARIA 10:8 - Susula Malalaok Hehelu Palak Ma Hehelu Beuk

⁸ Neukose Au aloo Au anang-ngala, Au tao akabubuas da'di esa. Au soi-po'is, ma Au fes lamade'u leo makahulun-na.

ZAKHARIA 10:8 ပူးပေါင်းရင်းမြစ်များ

1RAJA-RAJA 4:20

Laun Yehuda ma Israel dede'u na sama leo solokaek manai tasi su'u na. Sila nana'a nininun dai boema so'da nala malole.

KELUARAN 1:7

Tehu sila tititi-nonosin fo nde hataholi Israel-la, bongi upu-anak makadotok, de lamade'u no lai-laik nanseli, nalosa ala tao lahenu nusa Masir-ra.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

YESAYA 48:20

La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!

YESAYA 5:26

Neukose Manetualain naloo leoina manai dook-kala, fo neukose ala mai no lai-laik!

YESAYA 51:11

Boema hataholi fo, Manetualain soi-po'ik-kala, neukose ala fali, ala masok Yerusalem, no ala eeki kao-kao, mata-panan-nala, lapena, nanahu lamahoko manaketu-basa taak-ka. Ala lamahoko-setelee, nanahu toto'a-tataak ma hoo-nggu'uk-ka, mopok-kana so.

YESAYA 7:18

Nai tepo-lelek ndia, neukose Manetualain naloo hataholi Masir ma hataholi Asyur-ra, boema leoina ka duak sila-la ala mai, sama leo pena ma fani bubuak-ka, fo lakamomotu-la bafak mademaina-la, ma batupiak-kala lelan-nala. Neukose ala poti-la basa makatema dila-nggauk, ma basa mamana mana'uk-kala.

YEREMIA 33:22

Neukose Au tama Au atang Dauk tititi-nonosin, ma leo Lewi-a imam-nala, de nalosa dede'un-nala boetai lamaba'uk-ka sama leo solokaek manai tasi su'un-na, ma nduk manai lalai-a fo ta hapu leke-na fan.”

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

ZAKHARIA 9:11

Manetualain nafa'da anan-nala nae, “No hehelu-balatak fo Au taon no emi, hehelu-balatak fo nanapakunisak nenik bana tutunu-hohotuk daan-na, neukose Au soi-po'i o laum fo manadoi-doso nai mamana tu'u-tapak dalek sama leo hataholi nanalongak-ka nai oedolu ma'dak dale.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.