ZAKHARIA 10:7 - Susula Malalaok Hehelu Palak Ma Hehelu Beuk

⁷ Hataholi Israel-la, neukose sama leo palani ta'tibatu mabe'i-balakaik, sama leo hataholi maninu angol, fo neukose lamahoko-setelee Sila tititi-nonosin neme tepo-lelek leo tepo-lelek neu neukose ta lafandeleheni, sesengik fo Au fen ia. Neukose ala lamahoko nanahu Au tatao-nono'ing ba'eneus.

ZAKHARIA 10:7 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

KEJADIAN 43:34

Ala fe sila nana'a-nininun neme Yusuf mei na mai, ma lalalau-laoono Benyamin la'i lima fo lena ba'uk ka neme ka'an-nala mai. Boema ala la'a ma linu sama-sama loo Yusuf losa lakabete.

MAZMUR 102:28

Tehu O matak esa mahele, O so'dam-ma, mate'en ta.

MAZMUR 104:15

de nabuna-naboa oe angol mala'dahiik-ka, Boeo mina setun, fo tao-na mata-panan napena, ma nana'ak fo, neni fen be'i-balakaik.

MAZMUR 13:5

Boso po'ilotak au musung-nga, nafa'da nae sila sengi au so. Boso po'ilotak ala eeki-latadale au.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 33:21

Ita tamahoko, nanahu Ndia ma tamahele neu na'den fo, malalao-malalafun-na.

MAZMUR 90:16

Matu'du O tatao-nono'im neu ami fo atam-mala, ma O koasam fo neni namahoko-seteleek fe ami tititi-nonosim.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YESAYA 66:14

Emi mita ndia soona, neukose emi mamahoko-setelee, ma emi da'di balakaik, ma so'da-la'dak sama leo na'u nulak-ka. Boema Au atang-ngala, neukose ala la'ola'di Au koasang-nga ma Au musung-ngala, neukose ala lame'da lita Au nasa-melung.”

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

HABAKUK 3:18

tehu neukose, au amahoko tataas esa nana au manasoi-manatefang nde O fo Manetualain.

ZEFANYA 3:14

Hai Israel, eeki-matadale, ma makamee leona! Hai Yerusalem, mamahoko no dalek-katematuak leona!

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

ZAKHARIA 9:15

Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

LUKAS 1:47

ma au samane nga namahoko-setelee nana Manetualain au Manasoi-Manatefa nga.

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

HATAHOLI 13:33

ndia Ana tao-no'i basan soaneu ita, ninik Ana tao naso'da falik Yesus neme mamate sa mai so. Nana nai Mazmur kadua dalek, nanasulak nae, ‘O nde Au ana nga, nai faik ia dale na, Au da'di O Amam so.’

HATAHOLI 2:26

Hu ndia de au amahoko-setelee, au koa-kio: ma au ahani, no nee nee-lino linok nai late dae a dalek.

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.

SEMUEL SUSULAK-KA ESAN-NA 2:1

Boema Hana hule-haladoi nae, “Manetualain tao-na au daleng-nga namahoko; tatao-nono'in tao tesa-tama au daleng-nga. Au ame'da au aua-anale, de au hakinonoli au musung-ngala, nana te'e-te'e, Manetualain tulu-fali basa au so.