ZAKHARIA 10:6 - Susula Malalaok Hehelu Palak Ma Hehelu Beuk

⁶ “Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

ZAKHARIA 10:6 ပူးပေါင်းရင်းမြစ်များ

MAZMUR 89:21

Au hapu Au atang Dauk so, de Au ndo ein-na nenik mina feta.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

YESAYA 54:8

Au heok asadea o, ka'da ba'ihanak mesan, nanahu Au nasa-melung lua ponu-ponu. Tehu Au sue-lai o, nenik susue-lalai manaketu basa taak-ka.” Manetualain, fo o Manasoi-manatefam-ma, nafa'da nae leondia.

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YEREMIA 3:18

Neukose, Israel nakabubua no Yehuda, fo ala mai sama-sama leme nusak fo, mamana ookak-ka nai boboak kii Neukose, ala fali ma'is leo nusak fo, Au fe basan neu o bei-ba'i kaim-ma, da'di leo dae pusaka.”

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

YEREMIA 30:20

Neukose Au tao-a emi leoinam-ma ma lolole-lanapu sama leo makahulun-na, ma ala da'di lasafali sama leo Au anang-ngala. Basa manatuni-ndenis-sala neukose Au hukus boe.

YEREMIA 31:1

Manetualain nafa'da nae, “Neukose losa fain-na te, Au da'di leon Israel-la Manetualain-na, ma sila da'di Au anang-ngala.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 31:31

Manetualain nafa'da nae, “Neukose losa fain-na te, Au tao nakeketuk beuk no Israel ma Yehuda anan-nala.

YESKIAL 36:11

Neukose o laum-ma, ma o bana-manum, boetai lamade'uka, fo de'u lena makasososan-na, boema ala bongi fo, upu-anan-nala makadotok nanseli. Neukose laso'da sama leo makasososan-na nai naa, ma Au fes laso'da no tetu-temak, fo emi beita hapu maso'dak leondiak-ka fa. Soona besak-ka, emi bubuluk mae Au nde, Manetualain-na

YESKIAL 36:37

Manetualain Fo Mademaina, nafa'da nae, “Hai leoina Israel-la lemin, Au fe emi loak seluk, fo moke tutulu-fafalik neme Au mai; neukose Au fe mamade'u, sama leo bi'ilopo bubuak-kala.

YESKIAL 37:16

“Hai hataholi daebafak fo, manasapu-manalalok-konei, ho'i-ma aitete'ek esa, fo sulak dede'ak ia-la neu lain, nae, ‘Nusa Yehuda’. Soona, ho'i-ma aitete'ek esa seluk, fo sulak dede'ak ia-la neu lain, nae, ‘Nusa Israel-la’.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

HOSEA 2:23

Neukose Au tao-a Au anang-ngala, laso'da no tetu-temak ma ala leo lahele leme sila nusan-na. Neu sila fo loken lae, ‘Fo Ta Nanasue-laik-ka fa’ neukose Au atu'du ae, Au sue-lais, ma ba'eneu sila, fo lokes lae ‘Au anang ta sila fa’ neukose Au afa'da ae, ‘Au anang emi’. Neukose, lataa lae leo ia, ‘O nde ami Manetualaim-ma.’ ”

OBAJA 1:18

Neukose Au anang Israel sama leo ha'i, fo na'a heni basa Esau tititi-nonosin, sama leo ha'i na'a heni ha'deaik-ka nai tina. Ta hapu hataholi esa boen neme Esau tititi-nonosin mai, neukose naso'da. Au, Manetualain nde manakokolak-ka!

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

MIKHA 4:6

Manetualain nafa'da nae, “Neukose fain-na losa, Au tao akabubua Au huku hataholi-la, fo nde sila manadoi-dosok nai mamana tu'u-tapak.

MIKHA 5:3

Metema manakoasa ndia mai soona, neukose Ana koasa anan-nala nenik be'i-balakaik ma koasa neme Manetualain, fo Ndia Manetualain-na mai. Neukose anan-nala laso'da no nee-nee lino-linok, nanahu basa hataholi manai daebafak-ka lala'en-na, neukose manaku matua-mademan,

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

MIKHA 7:16

Neukose leoina-la lita dede'ak ndia, fo ala mae, nanahu lame'da lae sila be'i-balakain lala'en-na, ta soa-ndaa hata esa boen. Neukose mopo dudu'a-aafin-nala, nalosa ala ta hapu kokolak do lamanene fa.

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

ZAKHARIA 8:11

Tehu besak ia, Au ha'da-tataong soaneu leoina ia hataholin bei maso'dan-nala, ta sama leo makahulun-na so'on.

ZAKHARIA 9:16

Metema, faik ndia losa soona, neukose Manetualain soi-tefa anan-nala, sama leo manafoo-a, ana soi-tefa bi'ilopon-na neme soe dale mai. Neukose langale'do nai Manetualain daen-na, sama leo bulamolik poemata mangadilak-ka.