ZAKHARIA 10:2 - Susula Malalaok Hehelu Palak Ma Hehelu Beuk

² Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

ZAKHARIA 10:2 ပူးပေါင်းရင်းမြစ်များ

KEJADIAN 31:19

Nai lelek ndia, Laban nai mook-ka, fo ana bei nggute bi'ilopon-nala bulun-na, ma nai lelek ndia nde, Rahel namanakon-na, aman dodoki-dudulan fo manamasulu-mahapa teidalek-ka.

1RAJA-RAJA 22:17

Mikha balas nae, “Au ita solda'du Israel-la esa-esak tofak matan nai lete kala. Solda'du sila sama leo bi'ilopo fo manafoon taa, ma Manetualain kokolak la'eneu hataholi sila nae, ‘Hataholi ia la ta lanuu mauli-malangan fa. Neme na fo ala fali no so'da-molek.’ ”

AYUB 13:4

Nana, emi mafuni emi nggoam-ma, ma emi tipu-daim-ma, emi sama leo, hataholi malelak pepekok-kala.

AYUB 21:34

Da'di, o kokoe-nanasim ndia, louk, ma o natataam lala'en-na, pepekok basa sila-la!”

YESAYA 41:29

Tete'ek-ka, lamatua daebafak-kala, sosoa-ndandaan ta, sila ka'da dodoki-dudulak, fo tapandoes, ma ala ta bisa tao-lala hata esa boen.”

YESAYA 44:25

Au nde tao-ala manasiula-tongonok-kala, hala nafa'dan-na, ta da'di fa, ma Au tao akamiminak manasiula-tongonok-kala Au se'i hataholi manatee-tenok-kala, hala-kokolan, Au tao sila manatee-tenon-na, da'di nggoak.

YESAYA 44:9

Hataholi manatao dodoki-dudula sosongo-tatangok ndia, sosoa-ndandaan ta, ma lamatua daebafak fo ala sene-do'ok sila-la, sosoa-ndandaan ta. Hataholi manasene-do'ok neu dodoki-dudulak sila-la, pokek ma ala ta bubuluk hata esa boen, hu ndia de, neukose ala hapu mamaek.

YESAYA 46:5

Emi nau makasasamak Au o see? Ade hapu hata fo, sama no Au do?

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 14:13

Boema au afa'da ae, “Ou Manetualain Fo Madema ina, O bubuluk te nabi-nabi-la lafa'da basa neu laun-nala lae, neukose ta hapu natee-natatik do la'a-ndoes, nanahu O helu basa mae, nai nusak ia hapu ka'da mole-dame.”

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 23:17

Ba'eneu hataholi-hataholi fo tanau lamanene Au hala-kokolang-nga fa, ala lafa'da tatas esa lae, ‘Neukose emi maso'da-mamole.’ Ma neu basa hataholi fo malanga batuk-ka, ala lafa'da lae, ‘Neukose o ta hapu susa-soe fa.’ ”

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 27:10

Ala ke'di emi ndia fo tao kande lo ladok emi neme emi nusa-namom mai. Neukose Au usi adook emi neme emi nusa-namom mai de neukose emi tu'da-monu.

YEREMIA 27:14

Boso mamanene neu nabi-nabi fo ala kena-ka'i Ama manek fo bosos makaluku-makatele neu manek Babel-la, te ala ke'di-ndiu Ama manek ndia.

YEREMIA 27:9

Boso mamanene neu nabi-la do see ndia boe fo ana kena-ka'i emi fo boso makaluu-makatele neu manek Babel-la, leomae lafa'da lae, ala sipo ntutu'duk neme me'i-afek, do duladalek mangana'uk, do ala pake be'i-balakaik matabeuk.

YEREMIA 28:15

Au anduku-alosak basa sila-la neu Hananya, boema au afa'da seluk ae, “Hai Hananya, mamanene! Manetualain ta nadenu o fa; O taom-ma leoina ia namahele neu ka'da dede'a-kokolak pepeko-lelekok.

YEREMIA 29:8

Au, Manetualain, Fo Manakoasa, fo Israel Manetualain-na, fe nasanene'dak neu emi, fo ela emi boso nanatipu-daik neme nabi-nabi fo ala leo nai emi tala'da, ado su'di see ndia boe fo nafa'da nae, sila bisa neuk-la le'do-fai manamaik-ka. Boso tao afik neu sila me'i-afen-nala.

YEREMIA 37:19

Ama Manek-ka nabin sila-la basa-basas laibee, fo lafa'da lae, neukose manek Babel-la ta sapun-na Ama Manek-ka ma nusak ia fa?

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

YEREMIA 51:23

O nanapake fo tao mamopo-mamate manafoo bana-manu-la, manatao tina-osi ma kapa naue-nala, manakoasa ma malanga soloda'du mademan-nala.”

YEREMIA 6:14

Ala mete Au anang-ngala bisun-nala soona lae, ka'da bisu anak mesan. Lafa'da lae, ‘Ah, ta hata-hata fa,’ basa-basan malole ma ta hata-hata fa. Te se'kona, ‘ta leondiak makandondook fa.’

YEREMIA 8:11

Ala mete Au anang-ngala bisun-nala soona, lae ka'da bisu anak mesan. Lafa'da lae, ‘Ah, ta hata-hata fa, basa-basas malole, ma ta hata-hata fa.’ Te se'kona, ta makandondook.

RATAPAN 2:14

Hata fo nabi-la landuku-lalosak-kana neu o, ka'da ke'di-ndiuk ma pepekok mesa-mesan. Beita la'iesa fo ala buka o sala-singom fa, nalosa hu kande ndia de, o ta tukatei-saledale fa. Nasafalin-na, ka'da ala tui-benga fe emi dede'a-kokola pepekok mamina-makeek.

YESKIAL 21:21

Nana, manek Babel-la napadeik neu eno kaba'ek-ka, fo ana mete, ana tunga enok beek-ka, fo neu noke natutu'duk neme ndia sosongo-tatangon-nala mai, nakalolokok kokouisik, ma ana palisak bana fo, besak-ka nanatunu-hotuk-ka, aten-na.

YESKIAL 21:29

Ninitak fo, emi mitak-ka nde been-na, pepekok, ma emi kokolak dede'a nananafa'da elak-ka boeo, pepekok. Emi, hataholi mangalauk ma malelesik, de emi huhuku mate'em-ma, ana deka so. Neukose, tafaina ndia, ana te'teheni emi lesuha'im-ma.

YESKIAL 34:5

Hu kande bi'ilopo sila-la, manafoon ta, boema ala tapasasala, de bana fuik-kala la'ahenis.

YESKIAL 34:8

No Au, Manetualain fo maso'dak-ka na'den-na, taoafik leona! Bana fuik-kala, ala kaa-la Au bi'ilopong-ngala, de la'ahenis so, nanahu ta hapu hataholi foo fas. Au manafoong-ngala nde emi, tehu emi ta taoafik neu bi'ilopo sila-la fa. Emi dodoo ka'da emi aoinam-ma mesak-kana, te emi ta mete-makanae emi bi'ilopom-mala fa.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

BILANGAN 27:17

hataholi fo, ana bisa da'di malanga solda'du matuaina, nai lelek ala latee-latati. Boso po'ilotak O anam ia-la, sama leo bi'ilopo fo manafoon ta.”

MATEOS 9:36

Lelek fo Yesus mete nita hataholi makadotok sila la, boema dale na tu'da neus, nanahu langgangok ma bendole-bendaku, sama leo bi'ilopo fo mana foon ta.

MARKUS 6:34

Lelek fo Yesus kona neme ofak lain mai te nita hataholi makadotok lai ndia so. Yesus dale na tu'da, nana hataholi sila la sama leo bi'ilopo manafoo ta kala. Boema Ana mulai nanolis dede'ak ba'u ka.

ULANGAN 13:2

nenik ana ke'diindiu emi, fo ela emi sene-do'ok ma mamahele neu lamatua daebafak fo, emi beita malelak-kana fa, fo leomae hata fo nafa'dak ndia, ana da'di te'e-te'e boe,

HAKIM-HAKIM 18:14

Makahulun-na, ladenu mata-mata ka limak-kala, lafa'da nonoon-nala lae, “Emi bubuluk, mae nai uma ia-la esa dalek, hapu dodoki-dudulak nakadiditak doi fulak do ta? Boeo hapu dodoki-dudula fe'ek-kala, ma Tema Babaa Fanak. So'ba dodoo su'dik, ita muse tao beek.”