YUNUS 1:17 - Susula Malalaok Hehelu Palak Ma Hehelu Beuk

¹⁷ Ndia te, Manetualain nadenu i'a matuaina esa ko'don-na Yunus. Boema Yunus leo nai i'ak ndia tein dale, lele'dok 3 le'odaek 3.

YUNUS 1:17 ပူးပေါင်းရင်းမြစ်များ

KEJADIAN 1:21

Boema Manetualain nakadada'dik bana matuaina-la lai tasi dale, ma basa mahahae maso'da mata-matak-kala, lai oe dale, ma basa manupui mata-matak lala'en-na. De Manetualain nita manada'dik sila-la, boema namahoko.

YUNUS 2:10

Basa boema, no Manetualain paletan-na, de i'ak ndia muta heni Yunus leo ma'dak lain neu.

YUNUS 4:6

Boema, Manetualain nakamomolik aiana malolongek esa, fo nasulu Yunus nalosa Yunus namahoko. Memak, Yunus namahoko nanseli neu aiana ndia.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

MATEOS 12:40

Yunus leo lele'dok telu le'odaek telu neme i'a matua ina tein dale. Leondiak boe, Ana Hataholi ka, neukose Ana leo lele'dok telu le'o daek telu nai dae dale.

MATEOS 16:4

“Hataholi lelek besak ia la mangalau naseli, ma malena langa-masa'ba soo kala. Emi moke Au tao manda'di beuk, tehu neukose, Au ta tao fe emi manda'di beuk esa boen, ta'da fe'e mana da'di beuk Nabi Yunu sa.” Yesus kokolak basa nae leondia boema ana la'oelas leona.

LUKAS 11:30

Sama leo nabi Yunus-sa nalupa ta'du-tana ba'eneu kota Niniwe hataholi nala, leondiak boe Ana Hataholi ka neukose Ana da'di ta'du-tana esa soaneu hataholi lelek besak ia la.