YUDAS 1:6 - Susula Malalaok Hehelu Palak Ma Hehelu Beuk

⁶ Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.

YUDAS 1:6 ပူးပေါင်းရင်းမြစ်များ

MATEOS 10:15

Mafandendelek leon te! Neu Le'do Fai Mate'e ka te, hataholi manai kota Sodo ma Gomora, neukose mu'dak la'iesa kana, Manetualain fe do'o do ampon neu sala-singo nala, neme hataholi fo manai kota sila la!”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 8:29

Duas kalua leme lea-luak manai lates sila la dalek mai, de ala nggasi lae, “Manetualain Anan O, de O sanga tao ami le'e ia? Ade O sanga tao doidoso ami, leomae fai na beita losa fa do?”

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

EFESUS 6:12

Nanahu ita ta ulepo'de soaneu laban hataholi daebafak fa, tehu ita laban be'ibalakaik maneme basa nitu mana koasa nai le'do fai mangalauk ia lala'ena. Ita la'ban dula dale manga lauk fo mana koasa nai lalai ma daebafa ka, be'ibalakain.

IBRANI 10:27

Ela ka'da esa mesa-mesak-kana soaneu ita, fo nde tasasale matak to Manetualain naketu-nala'din, ma ha'i nasa-melu na, neukose ana hotuheni basa hataholi fo mana la'ba nana!

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

2 PETRUS 2:9

Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.

NINITAK 20:2

Boema ana ho'u na naga fo menge lasik ndia, fo Nitu do dula dale mangalauk ndia de ana feo puputun soaneu teuk lifun esa dale na.