YUDAS 1:19 - Susula Malalaok Hehelu Palak Ma Hehelu Beuk

¹⁹ Hataholi sila nde lini nasi'da-naba'e ka. Nana Manetualain Dula Dale na, ta koasa hataholi sila la fa, te hihi-nanau daebafa ka nde, koasa hataholi sila la.

YUDAS 1:19 ပူးပေါင်းရင်းမြစ်များ

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

YESAYA 65:5

Lafa'da lae, ‘Madook aoinam-ma meme ia mai, fo boso koila'e ami, nana ami malalao-malalafuk, ma nanata'da fe'ek neme emi mai!’ Au ta akatatakak mete sila ha'da-tataon fa! Au nasa-melung soaneu sila, sama leo ha'i manamate tak-ka.

YESKIAL 14:7

Ba'eneu hataholi Israel do hataholi nusa dea fo, manaleo manai leoina Israel-la tala'da, fo dook-ka leme Au mai, ma lase'o aoinan-nala neu sosongo-tatangok, boema loke nanoli-nafa'dak neme nabi esa mai soona, nemen-na fo Au nde fe natataan-na.

HOSEA 4:14

Tehu, neukose Au ta huku sila tatao-nono'in ndia fa, nana emi boeo, meu leo manasosoa-piaok fo lalalau-laoono nai uma sosongok-kala, ma emi basa-basam-mala, tunu-hotu tutunu-hohotuk neu lamatua daebafak-ka. Tete'ek-ka dede'ak ia la'en, nae, ‘Leoina fo ta nanuu malelak la'eneu Manetualain fa, neukose mopo-mates.’

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

ROMA 8:9

Tehu emi ta maso'da tunga hataholi daebafa ka ha'da-paliin fa. Emi maso'da tunga Manetualain Dula Dale na, fo metema tete'e ka soona, Manetualain Dula Dale na koasa nai emi dalem dale te'e-te'e. Hataholi fo Kristus Dula Dale na ta nai dalen dale fa soona, Kristus hataholin ta ndia fa.

1 KORINTUS 2:14

Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

1 KORINTUS 6:19

Emi muse bubuluk te emi ao paa ma nde bee na, Manetualain Dula Dale na mamana leleo na. Dula Dalek ndia, ana leo nai emi dalek. Fo Manetualain nde fe Dula Dalek ndia neu emi a. Emi aoina ma emi nuun ta ndia fa, te Manetualain nuun ndia.

IBRANI 10:25

Ela leo bee na ita takabubua sama-sama tahele, ma boso pela-bale sama leo hataholi fe'e kala. Lena-lenak ita muse lilineka tatetea-tahehele aok, nanahu ita bubuluk tae ta doo ka so'on te, neukose Lamatua ka ana mai so.

YAKOBIS 3:15

Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!