YUDAS 1:16 - Susula Malalaok Hehelu Palak Ma Hehelu Beuk

¹⁶ Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.

YUDAS 1:16 ပူးပေါင်းရင်းမြစ်များ

AYUB 32:21

Neukose, au ta asala'e esa boen, nai dede'ak ia dalek fa, ma au ta koa hataholi esa boen.

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

MAZMUR 106:25

Ala lakamuu-muu nai sila lalaa teman dale, ma ala ta nau lamanene Manetualain halan-na fa.

MAZMUR 15:4

fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

MAZMUR 17:10

ala ta lanuu dale kasian fa de ala kokolak no koao-ndaeaok.

MAZMUR 73:8

Ala hakinonoli hataholi, ma no koao-ndaeaok, ala fe nasanene'dak mahelek lae sila sanga tuni-ndeni hataholi.

AMSAL 28:21

Ta malole fa, metema bibinga-baba'e hataholi; tehu, hapu manakee-manafula boe, ana nau tao eno peko-pakik, ka'da soaneu hapu doik faa.

YESAYA 29:24

Hataholi nggoak-ka, neukose nanoli fo nalelak, ma hataholi fo mumu-mumu tataas esa, neukose namahoko sipo nanolik.”

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

BILANGAN 14:36

Musa nadenu basa hataholi, fo leu maku besa-besa loo dae ndia, ala fali ma'is, te leni hala pepekok la'eneu nusak ndia, de halak ndia, taon-na hataholi Israel-la, lakamuu-muu soaneu Manetualain. Hu ndia de, Manetualain hukus, nalosa he'di-laus la'es, de mates.

BILANGAN 16:11

Metema o moo o hataholim fo manalook o-a, bemumu moo Harun soona, te'e-te'e, emi la'ban Manetualain!”

BILANGAN 16:41

Balahaa boema, basa hataholi Israel-la lala'en-na, tao nasa-nasak mesan loo Musa no Harun. Lafa'da lae, “Emi taomisa Manetualain anan-nala so.”

LUKAS 15:2

Hataholi Farisi la ma mese agama la mulai lakamumu lae, “Awe, hataholi ia sipok hataholi ta malole la, bai te na'a sama-sama nos!”

LUKAS 19:7

Basa hataholi fo mana lita dede'ak ndia, mulai lakamu mu. Lafa'da lae, “Awe! Neu leo lalai nai hataholi ta malole la uman!”

LUKAS 5:30

Hataholi Farisi de'ubee ma mese agama la, lame'da nai dale nala dalek ta malole fa, boema lafa'da Yesus ana manatunga nala lae, “Tao le'e de, emi basa-basa mala mi'a-minu mo manasusu bea la ma hataholi ta malole fa?”

YOHANIS 6:41

Boema hataholi Yahudi la mulai lakamu Yesus, hu ka nde nafa'da nae, “Au nde loti fo manakona neme nusa so'da ka mai a.”

YOHANIS 6:61

Yesus bubuluk, ana manatunga nala lakamu nanolik ndia. Boema nafa'das nae, “Ade emi dale ma ba'ihana, nanahu Au dede'ang sila la do?

1 KORINTUS 10:10

Ita boeo ta bole bemumu; sama leo makahulu na sila nggelok bemumu de nalosa ata nusa so'da manini Mamate sa taonisa la'iesa kasa.

GALATIA 5:16

Au dudu'a nga leo iak: Neme na fo Manetualain Dula Dale na hela-nole emi, ma boso maso'da tunga hihii-nanauk ma ha'da-tatao hataholi daebafa ka.

GALATIA 5:24

Hataholi fo mana da'di Kristus Yesus hataholi nala, hataholi sila la ala tao lakamate ha'da-tatao daebafa nala no basa dale hihii masuu nala, ma hihii-nanau nala.

ULANGAN 1:27

Emi makamuu-muu mae leo ia, ‘Manetualain nape'da dale nasak no ita. Boema, noo ita kalua teme Masir mai, fo Ana fe ita leo hataholi Amori-la liman dale neu, fo ela ala taolisa ita.

FILIPI 2:14

Boso tao-no'i basa sila la, no muum toli-toli do nale'a-napilik.

1 TESALONIKA 4:5

Boso tunga ka'da emi dale hihii ma, fo makaseti saoina ma tunga ka'da emi nasa sasaok mana masuu ma, nana hataholi fo ta nalalelak Manetualai na, tatao-nono'in leondiak.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 4:3

Nana neukose losa fai na te, hataholi a ta nau namanene nanoli ndo sa so'on. Te neukose ala tunga ka'da sila hihii-nanau mesa nala, ma laloo lakabubua mesen makadotok fo lanoli sila, hata fo nandaa no sila di'idoo namanenene na.

1 PETRUS 1:14

Mamahele neu Manetualain, fo boso maso'da tunga emi hihii-nanau makahulu ma, nai lelek fo emi beita malelak Manetualain fa.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

1 PETRUS 4:2

Hu ndia de, emi bei maso'da nai daebafa ka, de ela leo bee na emi maso'da tunga Manetualain hihii-nanaun, te ta tunga hataholi daebafa ka hihii-nanaun fa.

2 PETRUS 2:10

nakalenak ba'eneu hataholi mana tunga nasa-melun hihii-nanau manggenggeo nala, ma hataholi fo lakamumulu-lakamamaek Manetualain koasa na. Mese masapepekok sila la lapalani ma koao-ndaeao lanseli, nalosa ala ta hiapenge lakamumulu-lakamamaek basa hata maso'da mandela-masa'ak manai nusa so'da ka boe!

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

2 PETRUS 3:3

Makasososa na, emi muse bubuluk te, neu fai-fai mate'e kala te, neukose hataholi fo hihii-nanau nasa melun koasa la so'da nala, ala to'da mai,

YUDAS 1:15

fo laketu-lala'di basa hataholi lala'e na. Ma neukose Amak Manetualain huku hataholi mangalau kala, nanahu tatao-nono'i nala, mangalauk. Boema neukose Ana huku hataholi masala-masingo kala, ma hataholi malena langa-masaba soo kala, nanahu hala-kokola nakamumulu-nakamamaek fo ala kokola kana.”

YUDAS 1:18

Hataholi sila la, lafa'da lakahuluk emi lae, sanga losa le'do fai mate'e ka soona, neukose hapu hataholi mana hakinonoli emi a, ala to'da mai. Hataholi sila la nde, hataholi fo laso'da tunga ka'da sila hihii-nanau masala-masingo nala.