YOSUA 9:11 - Susula Malalaok Hehelu Palak Ma Hehelu Beuk

¹¹ Mauli-malangan, ma ami nusam-ma laun-na lala'en-na, ladenu ami sadia tua-lepa, fo ami mai leo ia mai, fo matongo moo Tuan, ma mafa'da mae ami mataa neu Tuan-tuan-nala. Hu ndia de, ami dokodoe neu Tuan-tuan-nala dale malolen-na, fo tao hehelu-balataak moo ami.

YOSUA 9:11 ပူးပေါင်းရင်းမြစ်များ

KEJADIAN 43:12

Boeo meni doi lenak la'i dua, nanahu emi mita doik manai emi lafa lapik mala dalek-ka, muse emi fe fali kasa. Fafa'kama ndia, salak esa.

2RAJA-RAJA 10:5

Hu ndia de, malanga uma manek-ka, ma walikota, sama-sama no lasi-lasi nggolok-kala, ma basa Ahab upu-anan, ina-aman, fo mananggati ina-ama bongin-na, ala haitua fe Yehu halak-ka nde ia, nae, “Ami makatele neu Tuan, ma ami nau tao su'di beek, fo Tuan paletan neu ami. Neukose, ami ta so'u su'di see boen, fo da'di manek fa. Tuan tao hata fo malole, tunga Tuan mata memeten-na.”

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

LUKAS 9:3

Yesus nafa'das nae, “Boso mini hata-hata soaneu emi leleo-lala'om ndia. Boso mini ai tete'ek, do alukosu doik, do nana'a-nininuk, do tali-doik, do bua papakek biak dua.

YOSUA 1:11

fo ela ala la'ok okofefeo la'iesak hataholi Israel-la uman-nala, fo fes paleta nde ia nae, “Sadia tua-lepa, nanahu bei faik telu seluk bai soona, emi muse lena leo Lee Yarden-na selik meu, fo mangatuu-ma nusak fo emi Manetualaim-ma, fen neu emi.”

YOSUA 9:10

ma la'eneu hata fo Ana taon soaneu Amori mane ka duan manai Yarden boboan dulu, fo nde: Sihon, mane Hesybon, ma Og, mane Basan, fo ala leo lai Asytarot.

YOSUA 9:12

So'ba Tuan-tuan-nala mete loti, fo ami tua-lepam ia-la leona. Lelek ami la'o, loti ia-la bei lato'bi. Tehu besak ia, metes leon! Lamatuu, ma ala pukuai so.

YOSUA 9:8

Boema lae, “Ami nau tao su'di beek fo Tuan paletan.” Boema Yosua natanes nae, “See emi? Ma emi meme nusak bee mai?”