YOSUA 8:31 - Susula Malalaok Hehelu Palak Ma Hehelu Beuk

³¹ Ana tao mei tunu-hotuk ndia, nandaa no natutu'du-natutu'duk manai Musa fo Manetualain atan ndia, Susulan dale soaneu hataholi Israel-la nae: “Mei tutunu-hohotuk esa, nanataok neme batu mai, fo beita nanatao nitak nenik besi fa.” Nai mei tunu-hotuk ndia lain, hataholi Israel-la, tunu-hotu fe Manetualain: tutunu-hohotuk nanatunuk, ma sila tutunu-hohotu mole-damen boe.

YOSUA 8:31 ပူးပေါင်းရင်းမြစ်များ

2RAJA-RAJA 14:6

Tehu ana ta taonisa hataholi mana'a ngga'din sila-la, anan-nala fa, nanahu ana tunga Manetualain paletan-na, nai Musa Susulan dale, fo liin-na nae, “Boso hukumisa toulasik, hu kande anan-nala tatao-nono'i mangalaun-nala, ma boso hukumisa ni'iana, hu kande ina-aman tatao-nono'i mangalaun-nala. Bole hukunisa hataholi, ka'da hu kande, hataholi ndia, tatao-nono'i mangalaun-nala.”

2RAJA-RAJA 22:8

Boema Safan nanduku-nalosak manek-ka paletan ndia neu Hilkia, boema Hilkia tui Safan nae, ndia hapu falik Manetualain susula hoholo-lalanen, neme Manetualain Uman-na so. Hilkia fe susulak ndia, leo Safan neu, de Safan lees-sana.

2TAWARIKH 25:4

Tehu ana ta taonisa hataholi mana'a ngga'di sila-la anan-nala fa, nanahu ana tunga Manetualain paletan-na nai Musa Susulan dale fo liin-na nae, “Boso hukumisa ina-amak nanahu tatao-nono'i managalauk fo sila anan-nala tao-no'ik-ka, boema boso hukumisa ni'iana-la nanahu tatao-nono'i mangalauk fo sila ina-aman tao-no'ik-ka. Bole hukunisa ka'da hataholi see fo hu kande ndia mesak-kana tatao-nono'i mangalaun-na.”

2TAWARIKH 35:12

Kelompok teidale-bobongik manai sila-la, esan-na hapu bana esa neme bana fo neukose nanatunu-hotuk da'di leo tutunu-hohotu nanatunuk. No enok ndia, ala hapu fe tutunu-hohotuk tunga nakanenetek fo nanasulak nai Musa susula hoholo-lalanen dale.

EZRA 6:18

Basa boema, soaneu lau-onok nai Manetualain Uman dale-a, ala baba'e imam-mala, boema hataholi Lewi-la, tunga nakanenetek fo nanasulak nai Musa susulan dale.

NEHEMIA 13:1

Nai lelek ala lees fe laun-na Musa hoholo-lalanen boema, ala hapu hala nafa'da mangale'dok-ka nde ia nae: ‘Hataholi Amon ma hataholi Moab-pala, ta bole lakabubua loo Manetualain anan-nala fa;

KELUARAN 18:12

Basa boema, Yitro neni bana tutunu-hohotu nanatunuk, ma bana tutunu-hohotu nanado'dok de'ubee, fo da'di leo tutunu-hohotuk fe Manetualain. Harun ma basa leoina Israel-la mane leon-nala mai, de la'a sama-sama loo Yitro nai Manetualain matan.

KELUARAN 24:5

Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

MATEOS 12:26

Leondiak boe, nai nitu la nusan dale. Metema bubuak esa usi bubuak esa soona, neukose nitu la nusan ndia heaba'en, fo nakalulutuk.

ULANGAN 27:2

Nai lelek emi lena Lee Yarden-na, fo emi masok leo emi Manetualaim-ma fe emi nusak-ka meu soona, emi muse mapadedeik-ma, batu matuaina de'ubee, fo lose ha'o neus.

ULANGAN 27:8

Emi muse sulak Manetualain hoholo-lalanen-nala de'ek esa-esak no mangale'dok, nai batu-batu nanalose ha'o sila-la lain.”

YOSUA 1:8

O muse lees fe Au anang-ngala susula hoholo-lalanek ndia tataas esa. Manoli susulak ndia isi-liin lele'do-le'odaen, fo ela basa hata fo nanasulak nai dalek, o makalala'ok-kana tataas esa. Metema o tao basa sila-la soona, neukose o so'dam-ma tetu-temak, ma o ue-le'dim, neni buna-boak.