YOSUA 8:14 - Susula Malalaok Hehelu Palak Ma Hehelu Beuk

¹⁴ Mane Ai-a nita Yosua hataholin-nala tu'tik-ka, no lai-laik ana ho'i nakeketuk. Ndia no basa hataholin-nala kalua, de ala la'ok lasale leo bafak Yarden-na neu, fo leu sapu-la hataholi Israel-la, nai mamanak makahulun-na. Ana ta bubuluk nae, ba'ihanak seluk fa bai te, neukose ala sapu-lan neme dea mai.

YOSUA 8:14 ပူးပေါင်းရင်းမြစ်များ

PENGKHOTBAH 9:12

Hataholi daebafak-ka ta bubuluk faihi'da fain-na losa fa. Sama leo hihi'ik-ka nala manupui-a ma dala nala i'ak-ka, leondiak boe, soe-a tuni la'e hataholi daebafak-ka nai faik fo ana ta bubuluk-kana fa.

YESAYA 19:11

Mauli-malangan kota Zoan-nala, te'e-te'e nggoak-kala! Hataholi Masir fo, manatee-tenok lanseli-la, ala fe nanoli-nafa'da nggoak! Lapalani lanseli, lafa'da manek-ka, lae hataholi manatee-tenok ma mane-manek manai tepo-lelek makahulun eli-la, tititi-nonosin sila.

YESAYA 19:13

Basa mauli-malanga Zoan, ma Memfis-sala nde been-na, hataholi nggoak-kala. Ala ta hela-nole fa te, nakalenak ala tao latofa-latalak leoinan-nala.

DANIAL 4:31

Au beita kokolak basa boen te, halak-ka nananamanenek neme lalai mai nae, “Mane Nebukadnezar, mamanene dede'ak-ka nde ia! O manuu koasa da'dileo manek-ka, nanaho'i-nak neme o mai so.

MATEOS 24:39

Nai faik fo faa-tua ka luu nalas, besa ka lame'da hata fo ana da'di so. Metema Ana Hataholi ka mai soona, heheo-hihilun leondiak boe.

MATEOS 24:50

Neu makabui na neukose tua na fali ma'in nai faik ma li'u fo ana ta neuk nala fan.

ULANGAN 1:1

Susulak ia isin-na dede'a-kokolak fo Musa nanduku-nalosak-kana neu leoina Israel-la, nai lelek lai moo solokaek-ka, nai Bafak Yarden-na. Bafak ndia, nai Lee Yarden-na boboan dulu, deka no kota Suf-fa, fo nai kota Paran-na no kota Tofel, Laban, Hazerot ma Di-Zahab-ta, tala'da. (

YOSUA 8:13

Da'di, ana atol solda'du matee-matatik sila-la leo iak: ana pe'da solda'du makasososak-ka nai kota ndia boboan kii, ma solda'du fe'ek-kala nai boboan muli, te Yosua soona, le'odaek ndia, neu leo bafak dale neu.

YOSUA 8:15

Yosua no ana paletan-nala tao nono'kabai, sila lakadedeak; lalai lasale leo moo na'u taak-ka leu.

YOSUA 8:16

Ala paleta basa touk manai kota Ai-a, fo leu usi Yosua no solda'dun-nala, de ala boetai dook-ka leme sila kotan-na mai.

YOSUA 8:5

Au ma hataholi sama-sama loo au-a, neukose ta dook-ka neme kota ndia mai fa. Metema hataholi Ai-la kalua mai, fo ala la'ban ami soona, neukose ami lepos fali, fo ami malai sama leo makahulun-na.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

HAKIM-HAKIM 20:37

Hataholi manake'kek sila-la, no lai-laik, ala masok, de ala sapu-la Gibea; lakapepela su'di leo bee leu, nai kota ndia dalek, de ala taolisa la'iesak hataholi manai sila-la.