YOSUA 8:10 - Susula Malalaok Hehelu Palak Ma Hehelu Beuk

¹⁰ Fafaianak nanseli boema Yosua paleta hataholi fo sama-sama loon-na, fo daenga lakabubua. Basa boema Yosua no Israel mauli-malangan-nala loo solda'du sila leo Ai leu.

YOSUA 8:10 ပူးပေါင်းရင်းမြစ်များ

KEJADIAN 22:3

Balahaa fafaik boema, Abraham bia ai soaneu tutunu-hohotu nanatunuk-ka, de ana puputu ai sila-la, boema ana fuan neu keledei lain. Abraham no Isak, ma atan dua leu leo mamanak fo, Manetualain nafa'dan-nana.

MAZMUR 119:60

Au ta ahani fa, te no lai-laik, au akalala'ok O paletam-ma.

YOSUA 3:1

Balahaa fafaik boema, Yosua ma hataholi Israel-la lala'en-na, fo'a fafaianak nanseli, boema ala la'oela leme sila mamana ofun manai Sitim-ma, de leu leo Lee Yarden-na leu. Ala ofu leme ndia, fo lahani fain-na losa, ala lena leo selik leu.

YOSUA 6:12

Nai fai balahaan-na, bei fafaianak nanseli, te Yosua fo'a, boema soaneu ka la'i dua-na, basa imam-mala, ma solda'du-la la'ok lakadadalak okofefeo kota ndia, tunga dalak huas-sa: makasososan-na, dalak manamanea manai uluk-ka, de basa boema, imam ka hituk manapuu pupuuk-kala, basa soona imam-mala manandolo Peti Hehelu-balataak-ka tunga, ma mate'en-na, dalak manamanea manai dea. Ndia te, pupuuk-ka nalii nakandondoo henin.

YOSUA 7:16

Balahaa, fo bei fafaianak nanseli te, Yosua nadenu hataholi Israel-la, leo esa-esa, neu leo uluk neu, boema la'e leo Yehuda.

YOSUA 8:11

Solda'du sila-la, ala la'ok sama-sama loo Yosua lasale leo kota Ai lelesuina makasososan-na leu, boema ala ofu leme boboan kii, fo nai bee, hapu bafak esa nai sila ma kota ndia tala'da.

YOSUA 8:9

Basa boema, Yosua nadenus leu ke'ke nai Ai boboan muli, fo nai Ai ma Betel tala'da, de lahani leme ndia. Tehu Yosua sungu nai hataholi Israel-la ofun dale.