YOSUA 7:7 - Susula Malalaok Hehelu Palak Ma Hehelu Beuk

⁷ Yosua nafa'da Manetualain nae, “Ou Manetualain fo au Manetualaing-nga! O moo ami losa leo Yarden selik ia mai, soaneu beek? Ade, soaneu fe ami neu hataholi Amori-la do? Fo ela ami mate do? Malole lenak, ami leo ka'da naa, fo nai Yarden selik!

YOSUA 7:7 ပူးပေါင်းရင်းမြစ်များ

2RAJA-RAJA 3:10

Boema, Mane Yoram-ma naloo bou-bou nae, “Ita soe! Manetualain tutu'u basa, soaneu Ana fe ita telu neu mane Moab-pa!”

MAZMUR 116:11

Nai au napangamang-nga dalek, au afa'da ae, “Ta hapu hataholi esa boen, fo hapu nananamahelek fa.”

KELUARAN 16:3

Lafa'da lae, “Malole lenak, leouni'ka Manetualain taonisa ami neme Masir so. Nai naa, ami mangatuuk, fo ami mi'a paa ma loti, losa ami makabete. Tehu emi moo ami leo ia mai, fo ela ami basa-basam-mala, mate no la'as-sa.”

KELUARAN 17:3

Tehu hataholi sila-la maan-nala ma'da nanseli, de beemumu lahele Musa. Lafa'da lae, “Tao le'e de, o moo ami kalua meme Masir mai? Fo ela ami moo ami anam-mala, ma ami bana-manum mate no maa ma'dak-ka do?”

BILANGAN 14:16

O taomisa O anam-mala neme moo solokaek-ka, nanahu O ta mapalani moos leo nusak fo O helu basak-ka leu fa.

BILANGAN 14:3

Sosoak hata, Manetualain no ita leo nusak ndia neu? Neukose, ita mate nai natee-natatik dale, fo ala foo leni ita sao-anan-nala. Ade ta malole lenak, ata fali te'ut-tala leo Masir teu fa do!”

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

MATEOS 17:20

Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

IBRANI 12:5

Ma boso mafandele heni Manetualain nanoli-nafa'dan ia, fo nanafek neu emi da'dileo Ndia ana nala Nae leo'na: “Au ana ngonei, taoafik matalolole Lamatua ka nanoli nala, ma dale ma boso ba'ihana, metema Ana namanasa emi.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.

YOSUA 7:8

Ou Manetualain! Musu sengi hataholi Israel-la so. Besak ia, au muse kokolak ae le'e bai?

SEMUEL SUSULAK-KA ESAN-NA 4:3

Lelek bei ela solda'du manakala-kala, ala fali leo mamana oofuk-ka, boema basa mauli-malangan Israel-la lafa'da lae, “Tao le'e de, Manetualain po'ilotak hataholi Filistin-nala sengi ita nai faik ia dalen-na.? Mai fo teu ho'i-ta, Manetualain Peti Hehelu-balataan nai Silo, fo tenin leo ia mai, fo ela Manetualain nau tulu-fali ita, fo soi-tefa-na ita teme musu mai.”