YOSUA 7:26 - Susula Malalaok Hehelu Palak Ma Hehelu Beuk

²⁶ Basa ndia boema, launu batu makadotok nanseli neu mamanak ndia, de losa besak ia, batu sila-la bei lai ndia. Hu ndia de, ala foi lahele mamanak ndia na'de, Bafak Toto'a-tataak. Boema, tenak heni Manetualain nasa-melun.

YOSUA 7:26 ပူးပေါင်းရင်းမြစ်များ

2 SEMUEL 18:17

Basa boema, ala ko'o-la Absalom popolan-na, de ala tapan leo oedolu esa dalek neu, nai nula dale. Boema, lakadofu ketu oedolu ndia nenik batu, losa nadodou leo lain neu. Basa solda'du Israel-la lala'en-na lalai, de esa-esak fali ne'un leo uman neu.

2 SEMUEL 21:14

Basa boema, natoi Saul no Yonatan ma hataholi ka hituk-kala, dui-kalun nai Kish, fo Saul aman loo-laten nai Zela, fo nai dae Benyamin-na. Ala tao basa-basan, nandaa no manek-ka paletan-na, de Manetualain sipok sila huhule-haladoin soaneu nusak ndia.

2TAWARIKH 29:10

Besak ia au nau emi tao hehelu-balataak moo Amak, fo Israel Manetualain-na, fo ela Ana boso boe namanasa ita bai.

EZRA 10:14

Fe basa ami mauli-malangam, fo manaleo nai Yerusalem-mala loak, fo ala ito-ato dede'ak ndia. Boema metema, hataholi manai ami kotam-mala, saoinan-na neme nusa dea mai soona, muse ana mai nai fai nananaketuk-ka, sama-sama no basa mauli-malangan, ma manakee-manafula, manai esa-esak kotan-na. No enok ndia, neukose Manetualain ta namanasa ita so'on, hu kande dede'ak ndia.”

MAZMUR 85:4

O ta mamanasas so'on; O hela falik, O nasa-melum matuainam-ma.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 65:10

Neukose Au anang-ngala sene-do'ok neu Au; neukose sila bi'ilopon ma sapin-nala, la'a na'u nai Bafak Saron-na, ma nai Bafak Akhor-ra.

RATAPAN 3:53

Ala tapa kalaok au leo oedolu ma'dak dale neu, boema lakadofu ketu au nenik batu.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

HOSEA 2:17

Neukose, Au ta fen loak seseik Baal-la na'den-na so'on, nalosa neukose hataholi-a nafandele heni na'dek ndia.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

YOEL 2:18

Boema Manetualain taoafik neu dae-oen, ma sue-lai anan-nala.

YUNUS 1:15

Boema ala tapa Yunus leo tasi dale neu. Boema ani-sangu matuaina ndia nakamate.

ZAKHARIA 6:8

Basa boema, ata nusa so'dak ndia naloo bou-bou neu au nae, “Ndala manala'o leo Babel neu ndia, ana tao-na Manetualain nasan-na tenak so.”

BILANGAN 25:8

boema ana usi touk-ka no inak ndia, nai lalaa temak dalek. Ana pau hataholi ka duak sila-la, nenik tee ndia, boema soe matuaina ndia, nate'e nai Israel.

ULANGAN 13:17

Emi ta bole ho'i-ma bua-lo'as nanasoo-supak sila-la, fo emi taos da'di emi nuum fa, te muse tao makalulutuk la'iesak-kasa. Soona neukose Manetualain nasan-na tenak, de Ana natu'du susue-lalain neu emi. Neukose dalen-na malole no emi, fo Ana tao emi da'di leoina matuaina, sama leo Ana helu basan neu, emi bei-ba'i kaim-mala so,

ULANGAN 13:18

sa'di emi tunga basa paletan fo, au anduku-alosak-kana neu emi, nai faik ia dalen-na, ma tao tunga basa hihii-nanaun lala'en-na.”

YOSUA 10:27

Nai lelek, le'do-a tenak boema, no Yosua paletan-na, de lakona heni popolak sila, de ala tapas leo leak, fo na'kasa manek sila paken da'di mamana keke'ken-na dalek neu. Basa boema, ala loli batu matuaina-la neu leak ndia bafan-na. Losa besak ia, batu sila-la bei lai ndia.

YOSUA 7:24

Basa boema Yosua no basa hataholi Israel-la lala'en-na, ho'u-la Akhan, de loon leo Bafak Toto'a-tataak-ka neu, sama-sama no basa anan-nala, bana-manun sapi, keledei, bi'ilopo, lalaa teman-na, ma basa hata-heton lala'en-na, boema lilofulak, ba'du manalu ma namanako-na lilopilas-sa.

YOSUA 8:29

Ala lona kota ndia manen-nam neu aihuuk esa lain, de ala po'ilotak-kana neme ndia, losa le'donoso. Nai lelek le'do tenak boema, Yosua nadenu hataholi neu ho'i-na popolan-na, de ala tapan neu kota lelesuinan-na matan-na. Basa boema launu batu makadotok nanseli, neu mamanak ndia. Batu sila-la bei lai naa, losa besak ia.