YOSUA 7:24 - Susula Malalaok Hehelu Palak Ma Hehelu Beuk

²⁴ Basa boema Yosua no basa hataholi Israel-la lala'en-na, ho'u-la Akhan, de loon leo Bafak Toto'a-tataak-ka neu, sama-sama no basa anan-nala, bana-manun sapi, keledei, bi'ilopo, lalaa teman-na, ma basa hata-heton lala'en-na, boema lilofulak, ba'du manalu ma namanako-na lilopilas-sa.

YOSUA 7:24 ပူးပေါင်းရင်းမြစ်များ

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

AYUB 20:15

Ana ko'do hata-heto nakok-kala, no nakasetik, ana muta henis; Manetualain kalua henin, neme tein dale mai.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

AMSAL 15:27

See sanga nanalak fo ta malole fa soona, ana tao nakalulutuk teidale-bobongin-na. See ta hii sipo doi sosolo dalek fa soona, neukose so'dan-na naua-nanale.

PENGKHOTBAH 5:13

Tehu hata-heto ndia mopon, nanahu susa-soe esa, de ana ta hapu la'oela hata esa boen soaneu anan-nala fa.

YESAYA 65:10

Neukose Au anang-ngala sene-do'ok neu Au; neukose sila bi'ilopon ma sapin-nala, la'a na'u nai Bafak Saron-na, ma nai Bafak Akhor-ra.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

YOSUA 15:7

basa boema, nakandoo leo Bafak Toto'a-tataak-ka losa Debir, boema ana pilu seluk leo kii neu, fo leo Gilgal, fo nasasalematak no letek manai Adumim-ma, nai bafak ndia boboan kona. Neme ndia mai, de nakandoo seluk leo oemata En-Semes neu, boema ana leo En-Rogel neu,

YOSUA 22:20

Mafandele, Akhan fo Zerah anan-na, ana ta nau tunga Manetualain paletan la'eneu bua-lo'as fo muse tao nakalulutuk-kasa, de mate'en-na beek da'di? Hataholi Israel-la lala'en-na nanahukuk. Fo masala-masingok-ka ka'da Akhan dei, tehu manamatek-ka, ta ka'da ndia mesak-kana fa!”

YOSUA 6:18

Ta bole ho'i hata esa boen, neme basa hata fo muse tao nakalulutuk-kasa mai. Metema emi ho'i soona, neukose soe ma ani-sangu, la'e Israel mamana ofun-na.

YOSUA 6:21

Basa hata manai kota ndia dalek, lasi-mulik, ina-touk, ala taolisas nenik tafaina. Ala taolisa la'iesak bana-manu sapi, bi'ilopo ma keledei lala'en-na boe.

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:23

Ala ho'i-la bua-lo'as sila, de lenis leo Yosua ma basa hataholi Israel-la neu. Boema, ala tao bua-lo'as sila neu Manetualain matan-na.

YOSUA 7:26

Basa ndia boema, launu batu makadotok nanseli neu mamanak ndia, de losa besak ia, batu sila-la bei lai ndia. Hu ndia de, ala foi lahele mamanak ndia na'de, Bafak Toto'a-tataak. Boema, tenak heni Manetualain nasa-melun.