YOSUA 7:19 - Susula Malalaok Hehelu Palak Ma Hehelu Beuk

¹⁹ Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”

YOSUA 7:19 ပူးပေါင်းရင်းမြစ်များ

2RAJA-RAJA 20:15

Boema Yesaya natane seluk nae, “Lita beek, nai uma manek-ka?” Hizkia nataa nae, “Lita basa-basan lala'en-na. Au atu'dus basa hata lala'en, fo nanape'dak nai uma manek dale.”

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

MAZMUR 32:5

Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

MAZMUR 51:3

Sue-lai au, ou Manetualain, nanahu O sue-lai mahele au, lose heni au sala-singong nanahu O susue-lalai matuainam-ma.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESAYA 13:12

Hataholi nanasoi-tefak-ka lumanak nanseli, ta hapus makandondook fa, lena heni neme sanga lilo isik-ka.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

LUKAS 17:18

Tao le'e de ka'da hataholi manamai ia, ana fali ma'in fo noke makasi neu Manetualain?”

YOHANIS 9:24

Boema lalo seluk hataholi fo besa ka nita ndia de lafa'dan lae, “Supa-soo leona mae, o mafa'da tunga ndo na. Te ami bubuluk hataholi mana makahahaik o ndia, hataholi masala-masingok ndia.”

ROMA 10:10

Nanahu no dale ka fo hataholi a namahele, soona Manetualain sipo kana da'dileo hataholi fo ana mole falik no Manetualain so. Ma no bafa ka fo hataholi a manaku soona, ana hapu maso'da ka.

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

TITUS 2:2

Manoli toulasi kala, fo daenga lakatatakak ao ina nala, manatee-tenok, boema laso'da sama leo hataholi fo nanda nanafe ha'da-holomata. Muse ala ho'u lahele nanoli ndoos fo, maneme Manetualai na mai, lasue-lalai ao no matetu-mandaak, ma lakatatakak nai doidoso ka dalek.

YAKOBIS 1:20

Nana hataholi mana mamanasa ka, ana ta hapu tao tatao-nono'i malole fo nandaa no Manetualain dale na fa.

YOSUA 7:20

Boema, Akhan nae, “Tete'ek-ka, au tao basa sala-singok neu Manetualain, fo Israel Manetualain-na so. Au taok-ka nde ia:

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

SEMUEL SUSULAK-KA ESAN-NA 14:43

Boema Saul nafa'da Yonatan nae, “Te o tao beek so?” Yonatan nataa nae, “Au ho'i fanioe faaanak nenik au aitete'eng-nga pe'dan-na, de au u'a so; au sadia soaneu mate.”

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.