YOSUA 7:12 - Susula Malalaok Hehelu Palak Ma Hehelu Beuk

¹² Hu ndia de, ala ta lakatatakak lasasalematak loo musu-a fa. Musu sengis, nanahu sila boeo, nanaketu basak, soaneu nanatao namopo-namatek so. Neukose, Au ta nai emi boboam-ma so'on, metema bua-lo'as fo ta bole ho'i fas sila-la, beita tao nakalulutuk-kasa fa.

YOSUA 7:12 ပူးပေါင်းရင်းမြစ်များ

MAZMUR 44:10

Tehu besak ia, O la'oela ami, ma O po'ilotak ami kala. O ta tutulumatak seluk sama-sama moo ami fa.

MAZMUR 60:10

Tehu Moab nde been-na, Au mamana sasafe eing-nga; Au koak kokoa sesengik neu Filistea. Au tapa Au ta'bueing-nga neu Edom, da'di leo ta'du-tana nae Au nuung ndia.”

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

YESAYA 59:2

Hu kande emi tatao-nono'i mangalaum-ma, de Ana ta nau namanene emi, nai lelek emi hule-haladoi neun. Emi sala-singom-mala nde ta'da fe'e emi neme Manetualain mai-a.

YEREMIA 23:33

Manetualain nafa'da nae, “Yeremia, metema hataholi esa neme Au anang-ngala do, hataholi nabi esa do imam natane neu o, ‘Ade Manetualain helu nae leo bee?’ Soona o muse mataa mae, ‘O nde been-na lelepa mabelan-na Manetualain; hu ndia de neukose o nanatu'u-tapa henik.’

YEREMIA 6:8

Hei laun Yerusalem-mala lemin, tunga ndoon-na, basa toto'a-tataak sila-la, ala da'di nasanene'dak esa neu o! Boso nalosak Au la'oela emi, ma Au tao asafali emi kotam-ma, da'di moo solokaek, fo hataholi ta leo fan.”

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

BILANGAN 14:39

Lelek Musa nanduku-nalosak basa Manetualain hala hehelun-na neu leoina Israel-la boema, leoina ndia ana falu no dale he'dik.

BILANGAN 14:42

Boso meu! Te neukose emi musum-mala sengi emi, nanahu Manetualain ta no emi fa.

BILANGAN 14:43

Nai lelek, emi masasalematak mo hataholi Amalek ma hataholi Kanaan sila-la soona, neukose emi mate natee-natatik dale. Neukose Manetualain ta no emi fa, nanahu emi ta nau tunga fan.”

BILANGAN 14:45

Boema hataholi Amalek ma hataholi Kanaan fo manaleo manai naa-la, sapu leona, de ala sengi hataholi Israel-la, boema ala usis losa Horma.

ULANGAN 7:26

Boso pe'da-fua dodoki-dudulak sosongo-tatangok esa, nai emi umam dale, fo ela sosoo-susupak fo manatuni-ndeni nalas-sa, boso tuni-ndeni-nala emi boe. Emi muse makamuu-makadau ma malua tatao-nono'ik matak leondiak-ka, nanahu Manetualain soo-supa tatao-nono'ik ndia.”

YOSUA 6:18

Ta bole ho'i hata esa boen, neme basa hata fo muse tao nakalulutuk-kasa mai. Metema emi ho'i soona, neukose soe ma ani-sangu, la'e Israel mamana ofun-na.

HAKIM-HAKIM 16:20

Boema, ana nggasi ma nae, “Simson! Hataholi Filistin-nala mai!” Simson fo'a, de naedaenga ana hapu natapo'i, sama leo nai fai-fai maneuk-kala. Ana ta bubuluk, nae Manetualain la'oelan so.

HAKIM-HAKIM 2:4

Lelek ata nusa so'dak ndia, nanduku-nalosak basa halak ndia boema, basa leoina Israel-la lala'en-na, dola-dola mesan.

SEMUEL SUSULAK-KA ESAN-NA 14:38

Hu ndia de, Saul nafa'da laun-na mauli-malangan nae, “Basa-basam-mala leo ia mai, fo palisak, ala tao sala-singo beek nai faik ia.