YOSUA 7:11 - Susula Malalaok Hehelu Palak Ma Hehelu Beuk

¹¹ Hataholi Israel-la, tao sala-singok so. Au fe basa paleta, fo ela ala tunga hehelu-balataak nai sila loo Au, tehu ala la'olenan! Ala ho'i-la bua-lo'as, fo muse tao nalutus-sala so. Lamanako-la, bua-lo'as sila, de lafunis nai bua-lo'an-nala dalek, fo ela hataholi boso bubuluk.

YOSUA 7:11 ပူးပေါင်းရင်းမြစ်များ

2RAJA-RAJA 18:12

Samaria tu'da nanahu, hataholi Israel-la, ta tunga neu sila Manetualain fa. Ala lalalesi hehelu-balataak, fo Manetualain taon no sila, ma ala la'olena basa Musa, fo Manetualain atan-na paletan-na. Ala ta nau lamanene, ma tunga fan.

2RAJA-RAJA 5:24

Lelek, ala losa pupukuk fo, Elisa mamana leleon-na boema, Gehazi ho'i-na doik, ma bua-lo'a papakek sila-la leme Naaman ata ka dua-nala mai, de basa boema, ana pe'das leo uma dale neu. Boema, nadenu ata ka duak sila-la, fali leona,

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

IMAMAT 5:15

Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.

HABAKUK 2:6

Tehu natona-na basa leoina sila-la, neukose lakamuun, ma ala hakinonolin. Neukose lafa'da lae, “O nanasoo-supak nana o pe'da madoudou buas fo ta o nuum fa! Losa fai hi'da, o tao mamasu'i o aoinam-ma nenik o laka hataholi manamahutak neu o-a, fo ana bae hutan-na?”

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”

MATEOS 22:21

Boema lataa lae, “Kese la.” Boema Yesus nafa'das nae, “Metema leondiak soona, Kese la nuun bee na, fen leo Kese la neu, ma Manetualain nuun bee na, fen leo Manetualain neu.”

HATAHOLI 5:9

Boema Petrus naen nae, “Te tao le'e de, o mo o saotou ma mala halak fo emi so'ba Amak Manetualain Dula Dale na? Mamanene ha! Te hataholi fo leu latoi o saotou ma, ala fali ma'is so. Neukose ala ndolo o leo deak neu leondiak boe.”

ULANGAN 17:2

Metema, emi mamanene, lae nai emi kotam esa, hapu hataholi tao sala-singok neu emi Manetualaim-ma, nanahu ana la'olena hehelu-balataak-ka,

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

YOSUA 23:16

Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:10

Manetualain nataa Yosua nae, “Fo'a! Te o sene-do'ok leondiak, neu dae lain ndia, sosoa-ndandaan ta!

HAKIM-HAKIM 2:20

Hu ndia de, Manetualain namanasa nanseli hataholi Israel-la, de nafa'da nae, “Au paleta basa leoina ia bei-ba'i kain-nala, fo ela ala ho'u lahele hehelu-balataak, fo Au taon no sila. Tehu leoina ia, tao ketu hehelu-balataak ndia; ala la'olena Au paletang-ngala.

SEMUEL SUSULAK-KA ESAN-NA 14:38

Hu ndia de, Saul nafa'da laun-na mauli-malangan nae, “Basa-basam-mala leo ia mai, fo palisak, ala tao sala-singo beek nai faik ia.