YOSUA 6:5 - Susula Malalaok Hehelu Palak Ma Hehelu Beuk

⁵ Basa ndia soona, imam ka hituk sila-la, muse puu pupuun-nala liin-na manalu. Metema, emi mamanene pupuuk-ka lii manalun ndia soona, basa solda'du-la eki lapane'e fo nadodolo, soona neukose ndefa heni, kota ndia papala nanadaman-na. Tu'tik-ka, emi basa-basam-mala, muse meu leo kota ndia dalek meu.”

YOSUA 6:5 ပူးပေါင်းရင်းမြစ်များ

KELUARAN 19:19

Pupuuk-ka liin-na boetai napane'ek. Musa kokolak, ma Manetualain nataa nenik mangguluk-ka.

YESAYA 25:12

Neukose Ana tao natu'u Moab kota musun-nala, ma papala nanadama mademainan-nala, fo Ana tapas leo dae lain neu, losa lakalulutuk sama leo afu-a.

YESAYA 30:25

Nai faik fo, emi musum-ma kota musun-nala nananakahapik, ma hataholin-nala nanatao nisak-ka, lee anak-kala, neukose ala faa leme basa letek-kala ma pupukuk-kala mai.

YEREMIA 50:15

Eki kokoa musu nafeo kota ndia! Besak ia Babel bii so. Papala nanadaman-nala nana tao nakalulutuk. Besak ia Au tao babalak neu Babel. Hu ndia de taos sama leo sila tao hataholi fe'ek-kala.

IBRANI 11:30

Hu ka nde namahehele ka, de hataholi Israe la, tao landefaheni kota Yerikho tembo nala, nai lelek ala la'ok okofefeo kana nai faik hitu dale na.

YOSUA 6:16

Neu ka la'i hitu-ma, manapuu pupuuk-kala, puu pupuun-nala tu'tik-ka, Yosua fe ta'du neu solda'du-la lala'en-na, fo ala eki. Yosua nae, “Manetualain fe emi kota ia so!

YOSUA 6:20

Boema, basa imam-mala, puu pupuun-nala. Ma hataholi Israel-la lamanene pupuuk-kala liin-na tu'tik-ka, ala eki lapane'e, de ndefa heni kota Yerikho-a, papala nanadaman-na. Basa solda'du Israel-la lala'en-na kae tutik, de leu leo kota ndia dalek leu, fo langatuu-lan.

YOSUA 6:4

Imam hitu, esa-esak neni pupuuk, fo muse ala la'ok nai Peti Hehelu-balataak-ka uluk. Neu fai ka hitun-na soona, o ma o solda'dum-mala, muse la'ok okofefeo kota ndia la'i hitu, fo ndia te, basa imam-mala puu pupuun-nala.

YOSUA 6:6

Boema, Yosua naloo basa imam-mala, de nafa'das nae, “So'u-ma Peti Hehelu-balataak ndia; fo emi hataholim hitu, muse la'ok lai uluk, ma ala ho'u pupuuk.”

HAKIM-HAKIM 20:37

Hataholi manake'kek sila-la, no lai-laik, ala masok, de ala sapu-la Gibea; lakapepela su'di leo bee leu, nai kota ndia dalek, de ala taolisa la'iesak hataholi manai sila-la.

SEMUEL SUSULAK-KA ESAN-NA 17:20

Balahaa fafaianak boema, Dauk fo'a de naheheleaon. Ana fe bi'in-nala leo manafoo esa neu, fo naneas, de basa boema ana ho'in-na, neni bua-lo'as-sala de ala la'o, nandaa no aman paletan-na. Ana losa mamana ofuk-ka, nai lelek hataholi Israel-la leu leo musu dale leu, no ala eki, eeki musu-a.

SEMUEL SUSULAK-KA ESAN-NA 17:52

Hataholi Israel-la ma Yehuda-la eki kao-kao, ma ala usi hataholi Filistin-nala losa Gat, ma Ekron lelesuinan-na. Hataholi Filistin makahinak-kala, lalefule'ak su'di enok leo Saaraim ndia, nanalun-na.

SEMUEL SUSULAK-KA ESAN-NA 4:5

Lelek Peti Hehelu-balataak ndia losa mamana oofuk-ka boema, hataholi Israel-la eki lapane'e, nalosa daebafak-ka dele.