YOSUA 6:4 - Susula Malalaok Hehelu Palak Ma Hehelu Beuk

⁴ Imam hitu, esa-esak neni pupuuk, fo muse ala la'ok nai Peti Hehelu-balataak-ka uluk. Neu fai ka hitun-na soona, o ma o solda'dum-mala, muse la'ok okofefeo kota ndia la'i hitu, fo ndia te, basa imam-mala puu pupuun-nala.

YOSUA 6:4 ပူးပေါင်းရင်းမြစ်များ

KEJADIAN 2:3

Boema, Ana ba'e-pala fai ka hitu ndia, de Ana taon da'di fai hehelik, nanahu nai faik ndia, Manetualain hahaeaon-na, nai lelek Ana tao nakababasak tatao-nono'in.

1RAJA-RAJA 18:43

Nafa'da atan-na nae, “Kae leo lete ka poin-na muu fo mete masale leo tasi muu.” Ata ndia kae leo lete ka poin-na neu, boema ana fali de nafa'da Elia nae, “Au ta ita hata esa boen.” Elia nadenu atan ndia kae kona la'i hitu soaneu ana mete.

2RAJA-RAJA 5:10

Elisa nadenu atan esa, neu nafa'da Naaman nae leo ia, “Tuan, neu nadiu oe nai Lee Yarden-na la'i hitu, fo neukose Tuan lea-hai no malole.”

2RAJA-RAJA 5:14

Hu ndia de, Naaman neu leo Lee Yarden-na neu, boema neu leo oe dale neu, de ana bolo aon-na, la'i hitu leo oe dale neu, sama leo Elisa nadenuk-ka. Boema, Naaman lea-hai. Aon-na malole falik, sama leo aon fo, bei muli solun-na.

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

2TAWARIKH 20:19

Boema hataholi Lewi-la leme Kehat ma Korah teidale-bobongin mai fo'a lapadeik, de ala eeki-latadale koa-kio Amak fo Israel Manetualain-na.

2TAWARIKH 20:21

Nakokolaok basa no laun-na boema, manek-ka nadenu manamakameek-kala pake papake-ngganggaok matak esa fo biasan-na ala paken nai agama feta hehelik-nala dalek. Manamakameek sila-la muse lapadeik lakadadalak no malole-na nai solda'du-la dalak manai uluk-ka, boema lakamee, “Koa-kio Manetualain leona! Susue-lalain manaketu basa taak losa dodoon-na!”

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

IMAMAT 14:16

Basa ndia soona, ana dope limaku'u konan-na leo mina dale neu, fo ana pisin la'i hitu nai Manetualain Lalaa Teman dale.

IMAMAT 4:6

Boema, muse ana dope limaku'un-na leo daak ndia dalek neu, fo ana pisin la'i hitu neu tema lelesu matan fo manata'da fe'e Kama Malalao-malalafuk-ka

ZAKHARIA 4:2

de natane nae, “O mita beek?” Boema, au ataa ae, “Banu eik esa, nanataok neme lilopilas-sa mai. Mamana minan-na, nai pe'dan-na lain, ma banuk 7, nai boboa-kaisun, fo esa soona, nanuu mamana tetelu 7.

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

BILANGAN 23:1

Boema, Bileam nafa'da Balak nae, “Mapadedeik fe au, mei tunu-hotuk hitu mai mamanak ia, ma sadia-ma, sapi mane hitu, ma bi'ilopo mane hitu mai ia.”

YOSUA 6:3

O ma o solda'dum-mala, muse la'ok makadadalak okofefeo kota ndia, fo faik esa soona la'iesa, nai faik nee dalen-na.

YOSUA 6:5

Basa ndia soona, imam ka hituk sila-la, muse puu pupuun-nala liin-na manalu. Metema, emi mamanene pupuuk-ka lii manalun ndia soona, basa solda'du-la eki lapane'e fo nadodolo, soona neukose ndefa heni, kota ndia papala nanadaman-na. Tu'tik-ka, emi basa-basam-mala, muse meu leo kota ndia dalek meu.”

NINITAK 1:20

Ia nde bibila-babaak neme nduu kahituk fo o mitas nai au lima kona nga, ma neme banu ei lilopila kahituk sila la. Nduu kahituk sila la nde, salani kahitu kala ata nusa so'da nala, ma banu ei kahituk sila la nde bee na nde salani kahituk sila la.”

NINITAK 1:4

Tolano-tolanoo salani kahituk fo manai nusa Asia la lemin! Au, Yohanis, amahena emi nanaba'e-bati baba'e-papalak neme Manetualain fo nde, Ndia fo nai ia, fo nai ia so, ma nai ia nakandondoo henin, ma boeo neme dula dale kahituk fo manai Manetualain kandela mane na matan,

NINITAK 10:3

Boema nalo bou-bou napane'e hala na sama leo singa la nggasi. Ata nusa so'dak ndia nalo basa boema, manggulu kahitu kala lataa no hala matuaina.

NINITAK 15:1

Basa boema, au ita nai lalai hata matabeuk esa ba'u na seli. Boema ata nusa so'dak hitu lo susa-soe hitu, fo susa-soe mate'e kala. Ia nde la'i mate'e na Manetualain po'aheni nasa-melun.

NINITAK 15:7

Basa boema, mahahae ka ha kala sila la, esa fe ata nusa so'da kahituk sila la nggala lilopilas hitu, henuk no Manetualain nasa-melun, – Manetualain fo maso'dak losa dodoo na.

NINITAK 16:1

Boema au amanene hala matuaina esa neme Manetualain Uman dale mai de nafa'da ata nusa so'da kahituk sila la nae, “Meu leona, fo po'a Manetualain ngala nasa-melun kahitun sila la isi na leo daebafa ka neu!”

NINITAK 5:1

Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.

NINITAK 5:6

Basa boema au ita Bi'ilopo Ana esa napadeik nai kandela manek ndia tala'daheon, ma mahahae kaha kala ma lasi-lasik sila la okofefeo lan. Bi'ilopo Ana ndia meten soona sama leo nanado'do basa ka so. Susulan hitu ma matan hitu: fo nde Manetualain Dula Dale kahitun fo nadenus leu leo basa daebafa ka ala'ena.

NINITAK 8:2

Boema au ita ata nusa so'dak hitu lapadeik lai Manetualain mata na de ala sipo pupuuk hitu.

NINITAK 8:6

Basa ndia boema, ata nusa so'da kahituk manaho'u pupuu kahituk sila la laheheleaon fo ala puu pupuuk sila la.