YOSUA 6:21 - Susula Malalaok Hehelu Palak Ma Hehelu Beuk

²¹ Basa hata manai kota ndia dalek, lasi-mulik, ina-touk, ala taolisas nenik tafaina. Ala taolisa la'iesak bana-manu sapi, bi'ilopo ma keledei lala'en-na boe.

YOSUA 6:21 ပူးပေါင်းရင်းမြစ်များ

1RAJA-RAJA 20:42

Boema nabi ndia nafa'da manek-ka nae, “Manetualain nafa'da ka nde ia nae: ‘Hataholi fo Au fe paleta fo ela taonisan te o po'ilota kanan-naladeak so. Hu ndia de, o muse mate nggatin. Neukose o solda'du mala lakalulutuk, nanahu ala po'ilotak solda'du musu a nalai.’ ”

YEREMIA 48:18

Hai laun Dibon, kona meme emi mamanam fo mahada'da-holomataka; fo mamatuk neu dae-a ma neu afu a. Nanahu manataonalutu Moab fo emi nusam-ma ana losa so, ma neukose ana tao nakalulutuk laiesak emi papala mademamala.

ULANGAN 13:16

Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.

ULANGAN 2:34

Nai lelek ndia boe, ita loso-ta basa kota-la de ita tao takalulutuk-kasa, ma ita tao tisa la'iesak laun-nala lala'en-na, touk-kala, inak-kala ma ni'iana-la. Ita ta po'ilotak hataholi esa boen, naso'da fa.

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

YOSUA 10:28

Faik ndia Yosua neu sapun-na Makeda, de ana sengi kota ndia no manen-na. Ana taonisa la'iesak kota ndia laun-nala; ana ta po'ilotak hataholi esa boen, naso'da fa. Yosua tao mane Makeda, sama leo ana tao mane Yerikho-a.

YOSUA 10:39

Yosua loso-na kota ndia no manen-na, ma basa kota fe'ek manai titia-tatain-nala. Ana taonisa la'iesak hataholi manai sila-la. Yosua tao Debir no manen-na, sama leo ana tao Hebron ma Libna, boema manen-na.

YOSUA 11:14

Ala taolisa la'iesak kota sila-la laun-nala; ala ta po'ilotak hataholi esa boen, naso'da fa. Tehu, basa bua-lo'a kabelin-nala ma bana-manun-nala, hataholi Israel-la ho'i-lalas da'di sila nuun.

YOSUA 8:2

O muse tao kota Ai no manen-na, sama leo makahulun-na, o tao Yerikho no manen-na. Tehu oek ia soona, emi bole ho'i-ma hata-heton ma bana-manun-nala, fo emi manuus. Maheheleaom leona, fo meu sapu-ma, kota ndia no kaiboik, neme dea mai.”

YOSUA 9:3

Tehu, hataholi Gibeon-nala leme leoina Hewi-a mai, lamanene basa la'eneu hata fo, Yosua taon soaneu Yerikho ma Ai so.

NINITAK 18:21

Basa ndia boema, ata nusa so'da kahelek esa so'u na batu esa, ba'u batu tututuk matuaina, boema ana tapan leo tasi dale neu ma nae, “Eno na leoiak, kota Babel fo nananita nalelak ndia, neukose nanatapa napane'ek, nalosa neukose ta natongo non so'on.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”

SEMUEL SUSULAK-KA ESAN-NA 15:8

Saul taonisa la'iesak Amalek laun-nala ma solda'dun-nala. Tehu Saul no solda'dun-nala ho'u-la Agag, fo hataholi Amalek-kala manen-na, tehu ala ta taolisa fan, leondiak boe, bi'ilopon-nala ma sapi ao neulaun-nala, sapianan-nala ma bi'ilopoana maaon-nala, ma hata-heto mabelin lala'en-na; ala taolisa ka'da bana-manu nggo'dadui ma beli taak-kala.