YOSUA 5:2 - Susula Malalaok Hehelu Palak Ma Hehelu Beuk

² Nai lelek ndia, Manetualain nafa'da Yosua nae, “Taom-ma dope esa neme batu mai, boema tao seluk feta sunat soaneu hataholi Israel-la.”

YOSUA 5:2 ပူးပေါင်းရင်းမြစ်များ

KELUARAN 4:25

Zipora, fo saoinan-na, ho'i-na batu matane esa, de ana sunat anan-na, boema ana lose daan-na neu Musa ein-na, Zipora nae, “O nde been-na saotou daak, ba'eneu au.”

ROMA 2:29

Dede'a nasafali na, hataholi Yahudi matetu ka nde, hataholi fo nape'da ha'da-palii Yahudi nai dalen dale; ma sunat matetu ka nde Manetualain Dula Dale na nde tao na hataholi ndia dale na nanasunat, te ta sunat fo nanasulak nai susulak dale fa. Hataholi leo sila kala nde sipo kokoa-kikiok neme Manetualain mai, te ta neme hataholi daebafa ka mai fa.

ROMA 4:11

Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

KOLOSE 2:11

Hu ka nde emi da'di esa mo Kristus de, emi nanasunat, tehu ta nanasunat ninik sunat fo hataholi daebafa ka tao ka fa, te neme sunat fo Kristus tao ka. Kristus fo manase'i po'i emi neme ha'da-tatao masala-masingo ka koasa na mai.

YOSUA 5:3

Boema, Yosua tao tunga Manetualain paletan-na, de ana sunat hataholi Israel-la nai mamanak fo ala foin na'de Pupuku Sunat.