YOSUA 5:14 - Susula Malalaok Hehelu Palak Ma Hehelu Beuk

¹⁴ Hataholi ndia nataa nae, “Ta tia-laik, ma ta musu boen. Au mai leo ia mai, da'di leo Manetualain malanga solda'du matuainan.” Yosua namanene dede'ak ndia boema, no lai-laik, nakaluku-nakatele neu hataholi ndia. Yosua nae, “Au ia, Tuan atan. Hata fo au bisa taon soaneu Tuan?”

YOSUA 5:14 ပူးပေါင်းရင်းမြစ်များ

KEJADIAN 17:17

Boema, Abraham senek leona, tehu ana hika, nai lelek fo ana dodoo nae, “Hapu nai bee, touk esa, teun natun esa so, tehu ana bei bongi anak? Hapu nai bee, Sara bisa bongi nai teun siohulu dalek?”

KEJADIAN 17:3

Boema, Abram senek, de basa boema, Manetualain nafa'da nae,

2 SEMUEL 7:19

Nakalenak, O tao lena neme ndia mai, ou Manetualain Fo Manai Mamana Madema; O tao hehelu-balataak, la'eneu au tititi-nonosing, soaneu le'do-fai manamaik-ka. De O matu'du dede'ak ndia neu au, leomae au ka'da hataholi daebafak esa mesan, ou Manetualain Fo Mademaina!

2 SEMUEL 7:20

Bai te, au afa'da seluk beek neu O bai? O bubuluk basa hata lala'en-na, la'eneu O atam ia so.

MAZMUR 110:1

Dauk Kokoa-kikiok. Manetualain nafa'da, au tuang-nga nae, “Mangatuuk mai Au boboa konang-nga, losa Au tao-ala o musum-mala, lakatele neu o.”

MAZMUR 24:10

See kande, Manek Mandela-masa'ak ndia? Manetualain Fo Manakoasa Ndia nde Manek fo mandela-masa'ak!

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

KELUARAN 4:13

Tehu Musa nataa nae, “Au dokodoe, fo boso madenu au, ou Manetualain, te madenu hataholi fe'ek.”

YESAYA 55:4

Te'e-te'e, Au taon da'di mauli-malangan, ma malanga solda'du matuaina sakasii neme Au koasang-nga mai, soaneu leoinak-kala.

YESAYA 6:8

Boema, au amanene Manetualain halan-na, nafa'da nae, “Neukose, Au adenu see? Neukose, see nde da'di ita maneni halan-na?” Boema au ataa ae, “Au nde ia. De madenu au leona!”

YESKIAL 3:23

Boema, au u leo bafak dale u, de nai ndia, au ita mangale'dok-ka, nandela-nasa'a, fo natu'du Manetualain mamain-na, sama leo au ita basan neme Lee Kebar-ra su'un-na. Boema, au tu'u atotonokala neu dae lain,

DANIAL 10:13

Ata nusa so'dak manamasulu-mahapa nusa Persia, la'ban au kilo duahulu esa dalen-na. Boema Mikhael, fo ata nusa so'dak-kala mauli-malangan-na, ana mai tulu-fali au. Au la'oelan neme naa, fo nai Persia.

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

DANIAL 8:11

Nakalenak naheek no solda'du nusa so'dak-kala malangain manai lain-na, ma ta bole tunu-hotu tutunu-hohotu su'di faik fo ala tunu-hotu fen neu malanga solda'du manai lain ndia, ma ana tao natu'u uma mamason-na.

IMAMAT 9:24

No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 16:45

“Makadedeak meme hataholi sila-la mai. Te neukose Au tao amopo-amates lai mamanak ndia boe!” Duas senek

BILANGAN 22:31

Boema Manetualain fe Bileam bisa nita Manetualain ata nusa so'dan, ana ho'uisik tafainan-na, de napadeik nai ndia. Tutik-ka, Bileam senek neu dae lain, de ana fe ha'da-holomata.

MATEOS 22:44

‘Manetualain nafa'da neu au Lamatua nga nae: mangatuuk mai Au boboa kona nga, losa Au tao ala O musu no mala sene-do'ok leu O.’

MATEOS 8:2

Lelek ndia hataholi he'di lou mangalauk esa, ana mai. Ana senek neu Yesus mata na de nafa'dan nae, “Ama nau soona, Ama tao mahai au dei.”

LUKAS 1:43

See au ia, de nalosa Lamatua ka inan mai leo au mai?

LUKAS 20:42

Te see ko na Dauk mesa kana nafa'da nai susula Mazmu ra dalek nae, ‘Manetualain nafa'da au Lamatua nga nae: Mangatuuk mai Au boboa kona nga,

LUKAS 5:12

Faik esa boema Yesus nai kota esa. Nai naa, hapu touk esa ao na henuk no he'dilou mangalauk. Lelek nita Yesus boema ana sene-do'ok neu Yesus mata na, de ana dokodoen nae, “Ama, metema Ama nau soona, Ama makahahaik au!”

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

IBRANI 2:10

Memak nandaa Manetualain fo mana makadada'dik basa hata lala'ena soaneu dale dudu'a na mesa kana, Ana tao Yesus manasoi-tefa fo matetu-mandaak, tunga doi-doson. No enok ndia, fo Manetualain nalo hataholi ba'u ka, soaneu ala tunga nananamatutua-namadedemak sama-sama lo Yesus. Nanahu Ndia nde manasoi enok ba'eneu sila soaneu bisa nanasoi-tefak.

YOSUA 20:1

Basa boema, Manetualain, nadenu Yosua

NINITAK 12:7

Boema natee-nata'ti ka da'di nai nusa so'da ka. Mikhael no ata nusa so'da nala latee-lata'ti laban naga ndia. Ma naga ndia ana manatunga nala boeo tulu-falin de ala laban Mikhael.