YOSUA 5:1 - Susula Malalaok Hehelu Palak Ma Hehelu Beuk

¹ Basa mane Amori manai Lee Yarden-na boboan muli, ma basa mane Kanaan manai Tasi Tala'dak-ka su'un-na, lamanene lae Manetualain Manakoasa, tao nama'da lee Yarden-na, nai lelek hataholi Israel-la lena lee ndia. Boema ala bii ma ala dele bengge'be, nanahu hataholi Israel-la.

YOSUA 5:1 ပူးပေါင်းရင်းမြစ်များ

KEJADIAN 12:6

Abram la'ok okofefeo dae ndia, nalosa ana losa ai manituk esa nai More, fo mamana makaluku-makatele nai Sikhem. (Nai tepo-lelek ndia, hataholi Kanaan-nala bei leo mamanak ndia.)

KEJADIAN 48:22

Sikhem fo nusak maisi-maminak fo au loso an neme hataholi Amori la nenik tafaina ma kokouk ka, au fen neu o, te au ta fen neu o tolanoom-mala fa.”

2 SEMUEL 21:2

(Hataholi Gibeon-nala, hataholi Israel ta sila fa; hataholi sila-la, nanalekek nai hataholi Amori bubuaanak esa dalek. Hataholi Israel-la laheluk basa, neukose lasulu-lahapas, tehu Saul sanga enok fo ana tao namopo-namates, nanahu ana dudu'a-dodoo ka'da hataholi Israel-la loo hataholi Yehuda-la paluun-nala.) Boema, Dauk naloo hataholi Gibeon sila-la,

1RAJA-RAJA 10:5

hataholi mana'a ngga'di nala ue-le'din nai uman manen-na, ma hataholi mana'a ngga'di nala bua-papaken-nala ma uma leleon-na la. Nita ala pe'da fes nana'a nininuk, eno na leo beek fo basa malalau-maoono la lalalau-laoono feta esa, ma tutunu-hohotuk fo Salomo tunu-hotun nai Manetualain Uman. Basa sila-la tao la nusa Syeba ina manen-na dodoo doa kana.

EZRA 9:1

Tao basa hata sila-la lala'en-na boema, leoina lasi Israel de'ubee, ala mai leo au mai. Lafa'da lae laun Israel-la, fo basa imam-mala lai dalek boe, ma hataholi Lewi-la, ala leo lakabubua loo leoina manaleo lai titia-tatain sila la, fo nde leoina Amon, Moab, Masir, Kanaan, Het, Feris, Yebus, ma Amori. Nakalenak, basa imam-mala, ma hataholi Lewi-la, ala tao leondiak boe. Sila basa-basas tao tatao-nono'i manggengeok, fo leoina sila-la tao-no'ik-ka.

MAZMUR 135:11

Sihon, fo mane Amori, ma Og, fo mane Basan-na, boema, basa mane-manek manai Kanaan-nala.

KELUARAN 23:28

Neukose, Au tao-a emi musum-mala lalai kii-konak ma Au usi heni leoina Hewi, Kanaan ma Het neme emi matam-ma mai, fo ela emi hapu tutulumatak.

YESAYA 41:5

Laun nusa dook-kala lita hata fo Au tao basan so Ala nggenge, ma ala dele betoo, nanahu bibii-namata'uk-ka, boema, lakabubua sama-sama, de ala mai.

YESKIAL 16:3

Manetualain Fo Mademaina, nadenu au fo, anduku-alosak hala heheluk ia neu Yerusalem nae, “Hai Yerusalem, bongi o neme dae Kanaan-na. O amam, hataholi Amori, ma o inam, hataholi Het.

YESKIAL 21:7

Metema latane o lae, tao le'e de o mahoo soona, mafa'da mae o dalem-ma he'dis-sa, nanahu halak esa, neukose ana mai. Metema halak ndia, ana losa soona, neukose ana tao-na dalen-nala makasufu; liman-nala lakamate, ma lungulangan-nala dele bee-too, ma neukose mopo manggaten-nala. Tete'ek-ka, fain-na losa so, de neukose basa sila-la, ala da'di. Au, Manetualain Fo Mademaina, nde manakokolak-ka.”

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

BILANGAN 13:29

Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”

YOSUA 17:12

Tehu leo Manasye-a, ta usi heni kota sila-la laun-na fa; hu ndia de, hataholi Kanaan-nala bei leo lahele lai ndia.

YOSUA 17:18

Emi soa dae letelepan-na, leomae dae ndia bei nula mesan, tehu emi bisa painote dae ndia fo emi soa la'iesak-kana. Ma la'eneu hataholi Kanaan sila-la soona, emi bisa usihenis, leomae sila mabe'i-balakaik-kala, ma lanuu kaleta musu besi.”

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”

YOSUA 3:16

no hatematak ndia boe, lee-a ta faa so'on. Oe manafaa neme lee langan-na mai, ana da'di te'te, tehu nai dook-ka, nai kota Adam fo kota esa nai kota Sartan-na boboan-na. Lee oen manafaa leo Tasi Mates-sa neu, ana ta faa so'on, nalosa hataholi Israel-la, la'ok nai dae ma'dak lain leo selik leu mamanak ndia, nasasalematak no kota Yerikho-a. Basa imam-mala fo manandolo Peti Hehelu-balataak ndia, lapadeik lahele nai lee tala'da heon, losa hataholi Israel-la lala'en-na, lala selik.

NINITAK 18:10

Neukose lapadeik leme doo ka mai, nana ala bii sila la'e doi-doson. Lafa'da lae, “Awii, susa-soen ba'una seli ba'eneu kota Babel fo mabe'i-balakaik, kota fo nananita-nalelak ndia! Nai ka'da li'u esa mesa kana de o huhuku ma nananakalala'ok!”

HAKIM-HAKIM 1:1

Mate basa Yosua boema, hataholi Israel-la latane Manetualain, lae, “Manetualain, ami leom beek-ka nde, muse makasososa neu sapun-na hataholi Kanaan-nala?”

HAKIM-HAKIM 11:23

Da'di, Manetualain, fo Israel Manetualain-na, nde usi heni hataholi Amori-la, soaneu Manetualain anan-nala paluun-na.

HAKIM-HAKIM 3:3

Leoina fo bei leo lahele nai nusak ndia: nde leoina fo manaleo nai Filistin kotan lima dalek-ka, basa leoina Kanaan-nala, leoina Sidon-na, ma leoina Hewi, fo manaleo nai letelepak Libanon-na, mulai neme Letek Baal-Hermon-na losa leo enok manaleo Hamat neu.

HAKIM-HAKIM 4:2

Boema Manetualain po'ilotak Yabin, fo mane Kanaan-na, nangatuuk nai kota Hazor-ra, ana sengis. Malanga solda'du matuainan-na nde Sisera, ana leo nai Haroset-Hagoyim.

SEMUEL SUSULAK-KA ESAN-NA 25:37

Balahaa fafaik, de Nabal langan-na lea boema, saoinan-na tuin basa tatao-nono'i mangalauk sila la lala'en-na. Boema, Nabal hapu he'dis-sa nai bade'en-na, de basa aon-na lala'en-na, da'di lu'uk.