YOSUA 4:6 - Susula Malalaok Hehelu Palak Ma Hehelu Beuk

⁶ Neukose batu sila-la, ala fe leoina ia, lafandendelek hata fo Manetualain tao basan so. Nai fai makabuin, metema emi anam-mala latane batu ia-la sosoa-ndandaan hata ba'eneu emi soona,

YOSUA 4:6 ပူးပေါင်းရင်းမြစ်များ

MAZMUR 44:1

Teidalek Korah kokoa-kikion-na. Nakamee nanolik-ka. Soaneu mauli-malanga manakameek-kala.

MAZMUR 71:18

Ou Manetualain, boso la'oela au, losa au amalasi fo au mofa, fo ela au tui-benga O koasam-ma, ma O makadelem-ma, neu bobongik manamaik-kala.

KELUARAN 12:14

Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 31:13

fo po'a-benga neu leoina Israel-la nae, “Makaboboi fai Sabat, faik fo Au aketu basan da'dileo fai hahaeaok. Faik ndia da'di nasanene'dak neu emi ma Au losa dodoon-na, fo ela emi bubuluk mae Au nde Manetualain, ma mae Au tao emi da'di Au leoinang so.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

YESAYA 55:13

Neukose ai kaiou-la, ala nggati makatema dila-nggauk, bubu'u-palusa bunga, ala nggati makatema dila-nggauk. Ndia da'di, fo ela Au nanakoa-nanakiok; da'di leo, ta'du-tana manaketu-basa tak, fo neukose ta mopo fan.”

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 20:20

Tao malalao-malalafu fai Sabat-ta, fo ela ana da'di ta'du-tana hehelu-balataak nai Au ma emi, fo ana fe emi nasanene'dak, nae Au nde, emi Amam Manetualain-na.’

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

YOSUA 22:27

tehu soaneu da'di ta'du-tana ba'eneu ita hataholi ka duak-kala, ma ba'eneu ita tititi-nonosin nai fai makabuin, lafa'da lae tete'ek-ka, ami ia sene-do'ok neu Manetualain nai Lalaa Teman-na, nenik teni tutunu-hohotu nanatunuk, tunu-hotuk-kala, ma tutunu-hohotu tia-laik-ka. No enok ndia, neukose emi tititi-nonosim, ta lafa'da lae, ami tititi-nonosim ta lanuu tututi-nanatok hata-hata loo Manetualain fa.

YOSUA 4:21

Boema, Yosua nafa'da hataholi Israel-la nae, “Nai fai makabuin, metema emi anam-mala latane la'eneu batu ia-la sosoa-ndandaan soona,

YOSUA 4:5

de nafa'das nae, “Meu leo Lee Yarden-na tala'da heon-na, leo emi Manetualaim-ma, Peti Hehelu-balataan matan-na. Hataholi esan-na, ho'i-na batu esa, neme mamanak ndia mai – dede'un-na, batu sanahuludua, fo nandaa no leoina Israel-la, leo ka sanahuluduan-nala, dede'un-na.