YOSUA 3:10 - Susula Malalaok Hehelu Palak Ma Hehelu Beuk

^10-11 Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.

YOSUA 3:10 ပူးပေါင်းရင်းမြစ်များ

KEJADIAN 15:21

Amori, Kanaan, Girgasi, ma Yebus daen-nala, nai dalek boe.”

1RAJA-RAJA 22:28

Mikha nae, “Metema Ama Manek falima'in no so'da-molek soona, sosoan-na nae, Manetualain ta kokolak tunga au fa! Basa hataholi manai ia la da'di sakasii.”

2RAJA-RAJA 19:4

Manek Asyur-ra, nadenu basa, malanga solda'du manai lain esa, fo nakamumulu-nakamamaek Manetualain fo maso'dak-ka. See bubuluk, emi Aman Manetualain namanene basa nakamumulu-nakamamaek ndia, de neukose, Ana huku sila fo, manakokolak-kana! Hu ndia de, hule-haladoi leona, neu Manetualain, ba'eneu ita hataholin fo, bei maso'dak-kala.”

1 TAWARIKH 1:14

Kanaan nde been-na hataholi Yebusi, Amori, Girgasi,

MAZMUR 42:2

Sama leo nusa nahiik oe lee-a, leondiak boe au samaneng-nga nahiik O, ou Manetualain.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

KELUARAN 17:7

Ala foi mamanak ndia na'de Masa nanahu nai mamanak ndia, hataholi Israel-la so'ba-su'di Manetualain, nai lelek latane lae, “Ade Manetualain no ita do ta?” Ala foi mamanak ndia boeo na'de Meriba nanahu nai mamanak ndia, hataholi Israel-la lakamuu-muu.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 33:2

Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

BILANGAN 13:29

Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

YOHANIS 6:69

hu ndia de ami mamahele so, boema ami mamahele Lamatua ka nde hataholi malalaok fo Manetualain nadenun mai leo daebafa ka mai a.”

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

ULANGAN 5:26

Hapu mate hai hataholi daebafak esa, nai lelek Manetualain fo maso'dak-ka, Ana kokolak neme ha'i dale mai so do?

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

1 TESALONIKA 1:9

Basa hataholi sila la, ala kokolak la'eneu tao leo beek de, emi sipok ami nai lelek fo makahulu na, ami ne'i ndia. Ala kokolak la'eneu, tao lo beek de, emi tu'u-tapa heni emi sosongo-tatangom de emi mai leo Manetualain fo kisak ma maso'dak ndia, de emi sene-do'ok neun.

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

YOSUA 11:3

Boeo, nadenu hataholi neu leo hataholi Kanaan-nala, nai boboak muli ma Yarden boboan dulu, neu hataholi Amori, Het, Feris, ma hataholi Yebus-sala, lai nggolo letelepak-kala, boema hataholi Hewi-la lai Lete Hermon-na huun-na, nai nusa Mizpa.

YOSUA 12:8

Nusak ndia, neni nusak manai letelepan-na, nusa pupuku huuk-ka nai boboak muli, Bafak Yarden-na no nusa pupuku huun-na, nusa masakakalak-kala, nai boboak dulu, ma moo maloa, nai boboak kona. Nusa-nusak sila-la nde been-na, leoina Het, Amori, Kanaan, Feris, Hewi ma Yebus, mamana leleo palaan.

YOSUA 21:45

Manetualain tao natetu basa hala hehelun neu hataholi Israel-la; ta hapu esa boen, fo Ana ta tao natetu fan.

YOSUA 22:31

Boema Pinehas, fo Imam Eleazar-ra anan-na, nafa'da leo Ruben Gad ma Manasye Dulu, hataholin-nala nae, “Besak ia, ami bubuluk Manetualain no ita, nanahu emi ta la'ban-nana fa. Emi soi-tefa-ma, hataholi Israel-la neme Manetualain huhukun-na mai so.”

YOSUA 24:11

Basa boema, emi lena Lee Yarden-na, de emi losa Yerikho. Hataholi Yerikho-la lata'ti loo emi, leondiak boe, hataholi Amori, hataholi Feris, Kanaan, Het, Girgasi, Hewi ma hataholi Yebus-sala. Tehu Au fe emi sengi la'iesak-kasa.

YOSUA 3:9

Boema, Yosua naloo hataholi Israel-la, de nafa'das nae, “Mai fo mamanene hata fo emi Manetualaim-ma, paletan neu emi-a.

YOSUA 9:1

Halak la'eneu Israel sesengin-na, nakapela losa leo basa manek manai Lee Yarden-na boboan muli – nai letelepak-kala, nai letek-kala huun-na, nai mook manandolo nahele Tasi Tala'dak-ka su'un-na, losa Letek Libanon-na nai boboak kii: fo nde mane-manek Het, Amori, Kanaan, Feris, Hewi, ma Yebus.

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 26:6

Basa boema, Dauk natane Ahimelekh, fo hataholi Het ndia, ma Abisai, fo Yoab tolanoon-na. (Duas inan nde Zeruya), nae, “See napalani masok sama-sama no au, leo Saul ofun dale neu.?” Abisai nataa nae, “Au!”